DILI, STLTIMORLESTE.com – Polisia Nasional Timor Leste (PNTL) Munisipiu Dili sei asegura selebra loron nasional Masakre Santa Krus 12 Novembru.
Lia hirak nee hatoo husi Komandante PNTL Munisipiu Dili, Superientidente Xefe Polisia Orlando Gomes ba Jornalista sira iha Comoro, Dili, Segunda (11/11/2024).
“Komando Munisipiu Dili hetan ona orientasaun no ordem diretivas husi Komando Jeral no Komando Munisipiu Dili prepara ona, planu hodi fo seguransa ba loron 12 Novembru. Planu ita distribui ona ba membru tomak, atu nunee Komandante Operasaun Dili dirije aban ita bele fornese seguransa neebe mak diak, atu nunee bele asegura komemorasaun bele lao ho diak no susesu,” dehan nia.
Nia hatete, Komando sei koordena ho Komisaun Organizadora para haree atividades sira neebe mak atu komemora iha loron aban nian, hodi asegura kuandu iha grupu balu mak aproveita ho selebrasaun ho loron ida nee, hodi halo asaun ruma Komando Munisipiu Dili sei foti medidas hasoru oknum hirak nee.
(mar)
