DILI, STLTIMORLESTE.com – Polisia Nasional Timor Leste (PNTL) sei halo apreensaun ba viatura estadu neebe halo movimentu hodi tula família ba paseu iha tasi, iha ambitu loron boot tinan foun nian.
Komandante PNTL Munisípiu Dili, Superintendente Xefe Polísia Orlando Gomes dehan, rezolusaun Governu nian ba operasaun kareta estadu iha fim de semana no loron kontinua validu. Tanba nee too agora dadaun husi ekipa konjunta PNTL, Funsaun Publika, PDHJ, Patrimoniu Estadu Inklui KAK kontinua kumpre ba rezolusaun nee.
“Operasaun kona-ba kareta estadu lao nafatin, ita hatene katak iha loron feriadu nee, labele utiliza kareta estadu tula família sira ba pasiar,” tenik nia ba jornalista sira iha Komando Munísipiu Dili, Tersa (30/12/2025).
Nia esplika, iha selebrasaun loron boot natal tantu tinan foun nee ekipa konjunta tranzitu, patrimóniu estadu CAC sei hamutuk para atu monitoriza nafatin kareta estadu neebe maka halo movimentu iha momentu feriadu.
“Kuandu ita hetan ita halo apreesaun, ita prosesa hanesan bain bain”, nia afirma.
Jornalista: Jeniche da Costa
Editora: Domingas Gomes
