DILI, STLTIMORLESTE.com – Polisia Nasional Timor Leste (PNTL), Komando Munisípiu Dili hamutuk ho ekipa forsa tarefa konjunta sei intensifika patrollamentu hodi garante seguransa iha selebrasaun tinan foun nian.
“Iha tinan foun dia 31 kalan, ita sei hasae tan ita nia forsa operasaun konjunta liu husi ita-nia patrollamentu hodi halo prevensaun iha dia 31 kalan. Tanba ita haree natál iha dia 24 kalan sai hanesan referénsia ida mai iha polísia para atu prevene fatin sira neebe mak mosu konflitu”, hatete Komandante PNTL Munisípiu Dili, Superintendente Xefe Polísia Orlando Gomes ba jornalista sira iha Kaikoli, Tersa (30/13/2025).
Nia informa, iha 31 Dezembru kalan ekipa forsa tarefa konjunta komesa muda estratejia iha terenu, para nunee halo prevensaun diak liu tan ba joven sira.
“Ita sei halo operasaun konjunta ba joven sira neebe konsumu iha estrada ninin, halo barulhu ita sei halo kamptursaun,” nia deklara.
Orlando koalia, operasaun neebe Komandu Munisípiu Dili hamutuk ekipa forsa tarefa konjunta sei implementa rigorozu oituan, tanba iha 31 kalan nee sidadaun hotu-hotu tenke festeza ba tinan tuan troka tinan foun, troka ho situasaun seguransa neebe diak.
Nia hateten, ba seguransa iha selebrasaun loron iha 01 Janeiru depois de misa, komunidade sira sei ba paseu, Kristu Rei ba iha Likisá. Liu-liu ba komunidade sira neebe paseu iha tasi Kapital Dili nian, Komandu Munisípiu Dili sei apoia husi husi Polísia Maritima, Unidade Espesiál Polísia ho Komandu no ekipa forsa F-FDTL hodi fó seguransa iha área tasi nia para iha dia 01 Dezembru seguransa bele hakmatek.
Nia tenik, Komando Munisípiu Dili mos sei koloka polísia tranzitu iha fatin sira neebe komunidade halo paseu ba, nunee bele kontrola movimentu sira hanesan iha Kristu Rei no fatin sira seluk atu nunee garante situsaun movimentu iha fatin lao diak no susesu.
Komandante Munisípiu Dili nee mos fundamenta iha selebrasaun tinan foun 31 Dezembru no dia Janeiru 2026 sei halo pasa revista pasa revista ba motorizada kanu resin sira.
“Komando Munisípiu Dili apela tiha ona katak laos buat foun ida maibe motorizada sira neebe mak uza kanu resin ita sei halo kamptursaun lori motorista ba detein iha ita nia Komando Munisípiu Dili,” nia koalia.
Nia dehan, polísia mos sei halo pasa revista ba joven sira ne’ebé lanu iha tempu 31 kalan no dia 01 loron liu-liu joven sira neebe mak uza transporte konsumu alkól hodi ba paseu iha tasi.
“Tranzitu sei auto stop cek point hodi evita labele hamosu asidente. Tanba nee mak polísia Tranzitu sira ita sei koloka bainhira joven sira ne’e fila fali husi fatin paseu mai fali mai ita sei halo auto stop ba sira para atu kontrola ba iha motorista sira neebe mak hemu alkohol,” nia informa.
Orlando haktuir, se motorista sira hemu alkol polísia sei prende sira nia motór ka karreta no haruka sei tun husi sira husi sira nia transporte para atu nunee labele husik liu hodi prevene asidente fatál sira.
Jornalista: Jeniche da Costa
Editora: Domingas Gomes
