DILI, STLTIMORLESTE.com – Polisia Nasional Timor Leste (PNTL) liu husi Komando PNTL Munisipiu Dili sei la tolera, bainhira estudante sira halibur malu iha estrada hodi kria konflitu.
Komandante PNTL Munisípiu Dili, Superintendente Xefe Polísia, Orlando Gomes dehan, PNTL sei kontinua tama sai eskola sira iha Sidade Dili, hodi halo sensibilizasaun no halo konselin ba estudante atu evita hodi halo konfrunta bainhira sai eskola.
“Ita mos la tolera ba estudante sira, kuandu fila husi eskola ba liu uma, wainhira sira sei halibur malu iha estrda ninin, ita halo kapturasaun ba sira,” dehan Superintendente Xefe Polísia, Orlando ba jornalista sira iha Kaikoli, Dili, Kuarta (5/2/2025).
Komandate Orlando husu estudante sira sai husi eskola fila ba uma hodi ajuda inan-aman ou halo servisu seluk, tanba nee komando la autoriza estudante sira lori malu ba tur iha estrada ninin.
“Kuandu ami hetan informasuan ruma, ami sei halo kapturasaun, tanba ema hotu-hotu hakraka situasan hakmatek,” nia deklara.
Komandante nee informa, antes iha semana kotuk Polisia Eskuarda Dom Alexo halao patrulhamentu, hetan informasaun katak estudante sira sai husi eskola loraik sira ba hein malu iha ponte CPLP, tanba sira iha problema partikular.
“Depois ita hetan informasaun, ita haruka kedas Eskuarda PNTL Dom Aleixo nian tun ba halo atendimentu, depois sira fahe malu kedas iha mumentu neeba,” nia tenik.
Nia esplika, estudante neebe tuda malu nee estudante sira husi 10 Dezembru no Eskola FINANTIL,sira hein malu tanba problema partikular.
Iha fatin haneaan, Komunidade Suku Komoro, Maria dos Santos Banca informa, situasan iha Suku Komoro sempre iha problema, problema nee estudante sira mak sempre kria.
(jen)
