BAUKAU, STLTIMORLESTE.com – Komando Polisia Nasional Timor Leste (PNTL) Munisipiu Baukau liu husi Polisia Trazitu aplika koima ba transporte publiku no privadu hamutuk 95 durante festa paskua nee.
Komadante Interinu Komando Polisia Munisipiu Baukau, Superintendente João Sancho Pires esplika, durante selebrasaun festa semana santa, Komando Polisia Munisipiu Baukau ezekuta orientasaun husi Komando Jeral, liu husi Polisia Tranzitu lansa Swinping no auto stop iha estrada dirasaun Baucau ba Vikeke no Baukau ba Lautem inklui hein movimentu transporte publiku husi kapital Dili ba Baukau, konsege prende motorizada no kareta, tanba kontra lei kodigu estrada.
“Lubuk ida mak ita foti iha kareta no motor balun no ita foti dokumentu lubuk ida ita halo Swinping cek point hahu husi tempu Domingu Ramos nian lao too horiseik,” hateten João Sancho Pires ba jornalista sira iha Vila Nova, Baukau, Segunda (21/04/202)
Nia sublina, motorizada no karreta neebe ekipa Polisia Trazitu prende liu husi Swinping no auto stop, tanba maioria motorizada laiha dokumentus, la uza kapasete inklui la monta asesoria iha motorizada hanesan sapa matrikula no espiaun.
Nia fundamenta, husi numeru 95 neebe Polisia Trazitu aplika koima la haree ba familia no kolega, maibe ezekuta tuir knaar neebe atribui hodi orienta infrator sira selu iha Banku Nasional Komersiu Timor Leste (BNCTL – sigla português) hodi kontribui ba kofre estadu.
“Kualker se deit ita halo tuir lei Tranzitu, se mak hakarak viola lei kodigu estrada ita foti, tanba lei prega hela, maibe laos selu ba polisia, maibe selu ba kofre Estadu iha BNCTL,” João Sancho Pires akresenta.
Nia argumentu, asaun auto stop no Swinping neebe aplika koima hodi eduka komunidade motorista sira objetivu atu respeita lei kodigu estrada hodi rezulta kazu insidente, tanba kauza insidente neebe akontese maioria involve husi motorista neebe laiha karta kondusaun.
Entretantu numeru 95 neebe Komando Polisia Munisipiu Baukau liu husi Polisia Trazitu aplika koima, iha motorizada prende hamutuk 32, kareta ida no prende dokumentus 62, la inklui kareta Estadu.
(tom)
