BAUKAU, STLTIMORLESTE.com – Komando Polisia Nasional Timor Leste (PNTL) Munisipiu Baukau liu husi ekipa task force kaptura estudante nain neen (6) iha Eskola Sekundaria Jeral (ESJ) 01 Tirilolo Baukau.
Tuir observasaun STL iha terenu nota katak, loron Sabadu nee (12/04/2025) pur volta tuku 11:23, iha estrada publiku besik ESJ 01 Tirilolo, ekipa task force tula ona estudante feto nain 5 iha kareta operasaun task force no kaptura tan mane estudante ida hodi lori ba edifisiu Komando PNTL Munisipiu Baukau.
Liu husi entrevista, Diretor Eskola ESJ 01 Trilolo, Estevão Ximenes Gusmão hateten, relasiona ho situasaun nee nia parte seidauk bele fo komentariu tanba la hatene kronolojia, maibe sei konfirma ho parte seguransa Komando PNTL Munisipiu Baukau.
“Relasiona ho saida hau seidauk hatene, maibe hau sei buka informasaun para hatene,” hateten Estevão ba jornalista STL iha resintu Eskola ESJ 01 Tirilolo, Sabadu nee (12/04/2025).
Tuir observasaun STL daudaun nee estudante nain 6 iha ona edifisiu Komando PNTL Munisipiu Baukau.
Too notisia nee publika, jornalista STL korespondente Munisipiu Baukau seidauk hetan informasaun husi Komandante Komando Polisia Baukau, tanba laiha fatin.
(tom)
