DILI, STLTIMORLESTE.com – FALINTIL-Forsa Defeza Timor Leste (F-FDTL) liu husi Polísia Militár selebra aniversáriu ba dala-21 no mahein saudozu Venansio Ramos Amaral “Feras” ba tinan 2.
Hateke Xefe Estadu Maiór Jenerál F-FDTL, Tenente Jenerál Domingos Raul “Falur Rate Laek” ba jornalista sira liu husi nia deskursu hafoin komemora loron Polisia Militar ba dala 21, iha Kintal Boot Dili, Sabadu (17/01/2026).
Nia tenik, iha dia 17 Janeiru 2026 selebra aniverasiu Polisia Militar ba dala-21 no marku duplu iha instituisaun F-FDTL nia istoria.
“Ohin ita selebra Aniversáriu Polísia Militár ba dala 21 no konsagrasaun mahein Polisia Militar Saudozu Venansio Ramos Amaral “Feras”, nia esplika.
Nia informa, data ida nee laos deit iha kalendariu militar, maibé ida nee momentu afirmasaun ba maturidade unidade ida nee nian.
“Haree ba dalan neebe ita lao ona, ita haree esforsu neebe klaru atu dezevolve kapasidade rekursu humanu liu husi formasaun ezizente no rigorozu”, nia deklara.
Nia hatutan, investimentu ida nee iha kapital umanu akompanha kompromisu neebe metin atu dezenvolve no hadia rekursu no infraestrutra sira, setor ensial sira ba modernizasaun ba forsa nian.
Nia koalia, validade investimentu ida nee iha ema no iha akademi permite polisia militar hatudu abilidade lideransa organizasaun panamentu neebe forte, evolusaun ida nee nia rezultadu vijivel no labele nega, konsolisasaun polisia militar nuudar unidade refrensia laos deit F-FDTL maibé mos instituisaun sira seluk neebe nia iha relasaun servisu hamutuk.
“Polisia militar sira, ita boot sira nia misaun enkarna iha sisensia husi autoridade moral forsa armada nian, liu husi forsa sira tenke hametin padraun aas kona-ba disiplina, oportunidade no kapasidade operasional”, nia informa
Nia relata, disiplina mak desesivu hodi harii klima konfiansa estabilidade no seguransa neebe mak populasaun sira haree.
“Ita nia populasaun sira nee komportamentu diak iha atuasaun hotu-hotu, ida nee tenke kopira iha pesoal polisia militar nia profil neebe ita selebra iha nee”, nia koalia.
Nia hatete, militar ida neebe disiplinadu, edukadu no respeitadu, profisional, ida neebe franku no leal ho sentisu misaun no dever neebe aas, aumenta espritu sakrifisiu neebe boot tebes no vontade atu servi ho diak.
“Haree ba parada neebe forma iha nee, justu atu konhese publikamente ita boot sira nia esforsu no servisu neebe ita boot sira presta ona tenke konsidera hanesan meritu no distitisaun, kontinua ezemplu moral no disiplina ba ita no forsa armada sira hotu, kontinua servisu ba ita nia nasaun Timor Leste legalidade no rigorozu”, nia konklui
Iha fatin hanesan, Komandante Unidade Polísia Militár (PM), Tenente Coronel Graduadu Mateus de Jesus informa, komemorasaun Aniversáriu Unidade Polísia Militár nian ba dala-21 no Patronu Polisia Militar Saudozu Venansio Ramos Amaral “Feras” ba dala 2 marka istoria ba instituisaun F-FDTL.
“Ita nia unidade polisia militar hahu nia moris iha tinan 2005 ho efetivu pelotaun ida, maibe asumi nuudar guarda disiplina ba autoridade militár tuir konstituisaun lei neebe vigora iha ita nia rai doben Timor Leste,” nia informa.
Nia hatutan, atividade pilisia militar tenke bazeia ba legalidade, proposionalidade no respeita ba diginidade humana ho utilizasaun polisia hanesan ultimu rekursu prinsipiu.
Nia salienta, polisia militar laos deit responsavel no hapara infrasaun disiplinar maibé iha mos kompetensia atu garante seguransa instalasaun militar halo investigasaun ba krime ou poru militar kolabora ho autoridade sivil situasaun krize no emersensia hodi halo servisu ida ho diginidade, membru polisia militar tenke iha padraun konduta ho disiplina neebe aas liu no tenke sai hanesan ezempu ba militar hotu-hotu iha F-FDTL.
Nia afirma, formasaun mak trenu sira kontinua sai hanesan prioridade iha Polisia Militar presiza, Polisia Militar neebe iha konhesimentu legal no tekniku, kapasidade investigasaun integridade moral no komportamentu ezemplar, nomos kontinua kapasitasaun ba lingua no area administrasaun nian.
(jen)
