BAUKAU, STLTIMORLESTE.com – Komando Polisia Munisipiu Vikeke prosesu ona pesoal neebe portajem imajen armas iha Media Sosial.
Komadante Komando Polisia Munisipiu Vikeke, Superintendente Polisia António do Rego hateten, relasiona pesoal neebe halo postajem foto armas brankas iha media sosial ho kaption “preparasaun ba loron 07 Fevereiru” mak Komando Polisia Munisipiu Vikeke liu husi ekipa kaptura ona pesoal refere.
“Pesoal ida husi Vikeke Vila, arma nee nia asaun foto deit, foto nee kleur ona mak nia posting fali, maibe fizikamente laiha,” Superintendente Polisia António do Rego informa ba STL liu husi telefone, Segunda (09/02/2026).
Nia sublina, pesoal neebe halo postajem foto armas brankas iha media sosial nuudar sivil neebe foto refere nia kapta iha nia telefone dezde tinan 2012 no publika iha nia media sosial iha tinan 2026 fulan Fevereiru nee.
Nia fundamenta, ba asaun nee Komando Polisia Munisipiu Vikeke relata ona informasaun sira hotu ba iha Komando Jeral Polisia Nasional Timor-Leste atu haree asuntu refere.
“Sim, ita prosesa ona, ita entrega ona ba DIK Nasional atu konfirma,” katak Polisia António do Rego.
Entretantu situasaun jeral iha Munisipiu Vikeke daudaun nee lao kontroladu no hakmatek.
(tom)
