BAUKAU, STLTIMORLESTE.com – Postu abastesimentu sira iha Munisipiu Baukau balu laiha ona stok ba kombustivel Gazolina.
Deklarasaun nee hatoo husi motorista Domingos Jose Belo ba jornalista sira, bainhira atu sosa kombustivel produtu Gazolina, iha Postu Abastesimentu Realistic Fuel Baukau, Segunda (04/11/2024).
“Hau mai iha nee atu ense mina Galozina, maibe laiha. Iha Baukau agora Pertamina balun mak Gazolina hotu ona,” nia dehan.
Motorista nee relata, Postu Abastesimentu neebe atual provizoriu stok kombustivel ba produtu Galozina laiha mak hanesan, Manudare Fuel, Realistic Fuel no seluk tan.
Nia argumenta, relasiona stok kombustivel ba produtu Gazolina laiha, nee fo impkatu ba sidadaun sira nia movimentu neebe ho transporte utiliza produtu Gazolina husi Baukau ba fali Dili.
Ligadu asuntu nee STL tenta konfirma nain ba Manudare Fuel no Realistic Fuel, maibe laiha fatin atu fo komentariu, tanba iha hela fatin seluk.
(EST/2)
