DILI, STLTIMORLESTE.com – Povu Atauro maioria moris ho vida peskador no agrikultura, maibe halo mos ho atividade seluk hodi sustenta moris loron-loron.
Kestaun nee hatoo husi Prezidente Autoridade Administrativa Atauro, Mateus Belo ba jornalista sira iha Beloi Atauro, Tersa (17/03/2026).
Nia hatete, populasaun Atauro moris maioria vida peskador no mos agrikultor, maibe sira mos iha atividade sira seluk.
Prezidente Autoridade dehan Atauro konesidu ema peskador barak soke ho atividade turizmu nee ema komesa muda sira nia profisaun.
“Populasaun Atauro maioria vida peskador no vida agrikultor, maibe ema komesa muda sira nia moris ba profisaun seluk,” dehan Prezidente Autoridade Administrativa Atauro.
Nia hatete, populasaun barak mos halao atividade turizmu nian, neebe atividade peskas mos lao nafatin, maibe iha mos atividade seluk. Tanba atividade turizmu iha Atauro lao makaas entaun ema mos pozisaun dala ruma muda ona, halao atividade negosiu sira.
Lider Atauru nee dehan iha Atauro nee halo atividade tarabandu ba area sira labele hasae no aumenta ikan nee sae makaas, sira bele peska besik kedas iha fatin. Maibe, atividade tasi nian nee depende ba ema luku tasi mais agora iha servisu hanesan prepara turista sira bele aluga, nee mos hetan rendimentu aluga ro ba bainaka sira.
Alende nee total populasaun 12.545 abitantes, komposto husi suku lima, mak hanesan Suku Beloi, Suku Bikeli, Suku Makadadi, Suku Makili, Suku Maumeta.
(eme)
