LAUTEM, STLTIMORLESTE.com – Povu Lautem Komemora Loron Restaurasaun Independénsia ba bala 23, ho situasan neebe hakmatek ho pas no dame.
Prezidente Autoridade Munisípiu Lautem (PAML) lori povu Lautem hatoo felis aniversáriu no parabéns ba selebrasaun Loron Restaurasaun Independensia ba dala 23, neebe realiza iha Postu Administrativu Lautem, Munisípiu Lautem.
“Hau nia parabenes ba Povu Lautem tomak neebe ohin selebra Loron Restaurasaun Independensia ba dala 23 iha Munisípiu Lautem,” hatete Presidente Autoridade Munisipal Lautém, Melio de Jesus ba jornalista sira iha Postu Administrativu Lautem, Tersa feira (20/05/2025).
Nia tenik, selebrasaun Loron Restaurasaun Independénsia nee realiza iha Postu Administrativu Lautem nee iha situasan neebe hakmatek paz no dame.
“Hau fo nafatin korajem nomos husu ba povu Lautém tomak katak, ita tenke apoiu ba Governu ba prosesu konstrusaun iha Munisipiu Lautem nian,” nia esplika.
Nia informa, prosesu dezenvolvimentu lao daudaun ona, tanba nee husu ba veteranus sira no povu tomak hotu-hotu apoiu ba dezenvoliventu neebe sei mai iha Munisípiu Lautem.
Iha fatin ketak, Komunidade Alberico da Costa deklara, povu Lautem halao selebra Loron Restorasaun Independensia ba dala 23, ho situasan neebe hakmatek ho paz no dame, tanba hetan seguransa masimu husi Membru Polísia Nasionál Timor Leste (PNTL) nomos FALINTIL – Forsa Defeza Timor Leste (F-FDTL).
“Ita realiza Loron Restaurasaun Independensia ba dala 23, povu hakmatek ho paz no dame, tanba nee parabens ba ita hotu neebe ohin selebra loron restaurasaun Independénsia ida nee, tanba loron nee importante ba povu no rai ida nee atu hodi hanoin fila-fali ba loron importante nee,” nia afirma.
(jen)
