DILI, STLTIMORLESTE.com – Komunidade ka povu neebe hela iha area remotas sei menus informasaun kona-ba oinsa halo prevensaun no responde ba kazu violensia bazeia ba jeneru (VBJ), tanba nee parte hotu nafatin halo sosializasaun.
Tuir Akademista Rofina Soares ba STL iha nia knaar fatin Kaikoli, Tersa nee (05/11/2025) hatete, iha nivel nasional ema barak asesu Informasaun husi radio no relevizaun, maibe iha area remotas povu barak sei menus informasaun oinsa mak atu halo prevensaun no responde ba kazu violensia domestika, tanba nee mak parte hotu presiza sosializasaun.
“Ema barak rona ona kona-ba oinsa mak halo prevensaun ba kazu violensia domestika nee no oinsa bele responde bainhira sai vitima, maibe iha area remotas povu barak sei menus tebes informasaun, tanba nee mak parte husi Governu nomos sosiedade sivil sira presiza sosiliza,” katak Rofina.
Nia haktuir tan, nia konsidera povu barak seidauk asesu, tanba iha area remotas barak la asesu informasaun, tanba lina eletrisidade laiha balun lina eletrisidade iha, maibe balun mos laiha televizaun no radio.
Nunee mos Advokacay programa Manajer husi Fundasaun Alola, Maria Evelina hatete, liga ho preokupasaun dezde uluk too agora enfrenta hela katak iha nivel postu, suku no aldeia menus asesu informasaun kona-ba oinsa halo prevensaun no responde ba violensia bazeia ba jeneru.
(eme)
