DILI, STLTIMORLESTE.com – Prezidente Parlamentu Nasional (PPN), Maria Fernanda Lay lori ona proposta Orsamentu Jeral Estadu (OJE) 2025 ba iha Prezidente Republika Jose Ramos Horta, hodi promulga.
Bainhira remata hasoru malu, PPN Maria Fernanda Lay ba jornalista sira iha Palasiu Prezidensial Bairo Pite, Segunda nee (25/11/2024) hatee, ohin lori ona proposta OJE 2025 mai Prezidente, hodi estuda nunee bele promulga.
“Primeiru Ministru mos mai informa ona ba Prezidente Republika, ohin hau mai para lori OJE 2025, tanba iha hela prazu nia laran. Tuir lo-loos iha PN too 25, maibe infelizmente laiha proposta ami bele konklui, no ita hotu hatene katak maioria deputadu mos sei ba Oekusi, neebe hanoin assuntu ida ke diak, fo tempu ba Sua Exelensia Prezidente Republika para estuda orsamentu nee,” dehan PPN nee.
Prazu nee so Prezidente Republika mak bele resposta no lei iha, tanba nee mak nia labele esplika, no ida nee laos primeiru vez PN aprova OJE.
Nia hatutan, nia fo tempu barak liu ba iha oposizaun atu koalia, pelu kontrariu hanesan uluk too PPN nia proposta mos sai laiha buat ida, tanba Prezidente mak dirize, PPN respeita.
(eme)
