DILI, STLTIMORLESTE.com – Prezidente Parlamentu Nasional (PPN), Maria Fernanda Lay hatete, rekonsiliasaun neebe mak inisia husi Prezidente Republika nomos Primeiru Ministru nee, hakarak buka pas.
PPN Maria Fernanda Lay hatoo kestaun nee ba jornalista sira bainhira remata halo enkontru ho Prezidente Republika Jose Ramos Horta, iha Palasiu Prezidensial Bairo Pite, Segunda (25/11/2025).
“Rekonsiliasaun neebe inisia husi Prezidente Republika nee papel Premiadu Nobel da Pas, nia tenke buka pas ba ita Timoroan,” katak PPN nee.
Nia hatete, kona-ba tanba saida mak Prezidente Republika no Primeiru Ministru Kay Rala Xanana Gusmão hakarak halo rekonsiliasaun ho Timoroan iha Indonezia, nee lider nain rua mak hatene liu.
Nia afirma, rekonsiliasaun labele halo ho Timoroan iha Indonezia deit, maibe Timoroan neebe mak hela iha Timor Leste mos presiza rekonsiliasaun hotu.
Primeiru Ministru Kay Rala Xanana Gusmão hatete, foin lalais Prezidente viajen ba Kupang laos ofisial, maibe nee hanesan ferias maibe publiku foti sai hanesan kestaun boot ida, tanba nee mak Prezidente Republika husu joven sira nafatin mantein unidade tuir nafatin komportamentu neebe joven sira hatudu ona iha vizita Sua Santidade Papa Francisco iha Timor Leste.
(eme)
