DILI, STLTIMORLESTE.com – Prezidente Republika (PR), Jose Ramos Horta halao enkontru ho Diretor ezekutivu Green Pzz Unipesoal, Lda hodi diskute kona-ba investimentu estratejiku ba nasaun.
Bainhira remata hasoru malu, Diretor Ezekutivu Green Pzz Unipesoal, Lda Reprezentante Eskola Z&Z Internasional School, Rony Barreto da Costa ba jornalista sira, iha Palasiu Prezidensial Nicolau Lobato, Bairo Pite, Dili, Tersa (04/11/2025) hatete, oportunidade diak hodi halo enkontru ho Prezidente Republika, koalia kona-ba investimentu estratejiku ba nasaun nian oinsa husi parte jerasaun foun no setor privadu saida mak bele halo.
“Tanba ita haree oportunidade ida katak hanesan membru ASEAN ita presiza halo buat ruma, ita presiza kria kondisaun atu nunee bele responde mos ba nesesidade ba tinan oin mai, barak mak ita presiza halo entau parte husi jerasaun foun presiza mos husu advokasia husi nain Prezidente ideas neebe diak oinsa ita bele halo liu liu haree liu ba investimentu estratejiku ba ita nia nasaun iha area turismo, nomos setor setor neebe mak importante mak haree liu ba setor edukasaun,” dehan nia.
Setor edukasaun tuir nia pilar ida neebe mak importante tebes, tanba nee presiza hadia nunee bele produs kualidade rekursu umanu neebe mak diak, atu responde ba aban bainrua nunee hadia nasaun nee ho diak iha setor hotu hotu.
“Buat hotu bele lao diak bainhira ita nia rekursu humanu neebe diak no kualidade, tanba nee maki ta hakarak koalia naruk ho Prezidente, atu bele hetan tan ideas oinsa mak bele halo kooperasaun mos ho nasaun liur hanesan ita nia nasaun vizinu Australia, ita mos halo relasaun diak ho Universidade CDU iha darwin oinsa mak bele halo koperasaun nunee ba oin sira mos bele halo buat ruma iha Timor, ida nee mak ohin halo diskusaun ho nain Prezidente, agradese tebes ba nain Prezidente nia tempu neebe hamutuk ho ami koalia dada lia oituan konaba assuntu importante sira nee,” dehan nia.
Rony afirma, planu ba oin bele haree tanba nasaun balun iha ona Universidade internasional hanesan iha Australia sira loke sira Cabang iha nasaun seluk hanesan iha Malazia, no seluk tan, entau ida nee mos lataka dalan karik iha oportunidade ho universidade neebe sira halo koperasaun ba sira mos bele loke sira nia cabang iha Timor ,nunee bele hadia kualidade iha setor edukasaun nunee bele atrai tan estudante internasional sira, importante liu mak ba estudante Timor oan sira nunee bele haburas konhesimentu diak bele kompete iha mundu internasional.
Iha hasoru malu nee Prezidente Republika, Jose Ramos Horta husu ho Diretor Ezekutivu Green Pzz Unipesoal, Lda reprezentante Z&Z internasional School nafatin luta ba dezenvolvimentu ekonomia rai laran nia, nafatin fuan boot liu liu oinsa hametin relasaun ho parseru internasional sira atu nunee sira iha vontade atu bele apoiu timor bele halo kooperasaun diak atu nunee bele loke dalan ba Timor.
Prezidente Republika husu nafatin halo kooperasaun ho parte seluk,nunee bele loke dalan tanba Timor Leste lao mesak labele, maibe lao ho ema neebe prontu apoiu liu liu nasaun vizinu nasaun liu liu nasaun boot fiar katak bele hetan dalan neebe diak.
Jornalista: Emerenciana Pinto
Editora: Carme Ximenes
