DILI, STLTIMORLESTE.com – Prezidente Republika (PR), Jose Ramos Horta entrega premiu ba manan nain, konkursu video vizita Sua Santidade Papa Francisco mai Timor Leste, iha palasiu Prezidensial.
Bainhira remata entrega premiu Prezidente Republika, Jose Ramos Horta ba Jornalista sira, iha Palasiu, Prezidensial Nicolau Lobato, Bairo Pite, Tersa (16/09/2025) hatoo parabens ba manan nain sira husi pemeiru kugar too kintu lugar, neebe konkore ona konkursu video vizita Papa Francisco Mai Timor Leste.
“Uluk nanain hau fo parabens ba manan nain sira, premeiru too kintu premio nee hau laiha partisipasaun iha juri, juri mak hili no deside, hanesan fo mos intensivu ba ita nia video filmajen sira kontribui mos para memorializa halo dokumentariu arkivu diak ba Amo Papa Francisco nia vizita, hau haree video barak filmajen barak halo ho kualidade tebes nee sai propriedade Prezidensia nia, laiha copy rite se se mak hakarak uza bele uza, liu liu ba televizaun sira online,” katak PR Horta.
Karik Prezidente viajen ba foho ka ekipa Prezidensia viajen ba foho bele lori hatudu ba komunidade neebe mak hela iha area remotas neebe seidauk haree video, no foto sira nee sei halo Cet ida kompletu fo ba Nunsiatura nunee bele tau mos iha neeba, no Cet ida Haruka ba roma vatikanu karik hakarak uza iha neeba.
Video sira nee sai hanesan liamenon bebeik no permanente ba Timor Leste, tanba Amo Papa rasik hatete tau matan didiak ba povu doben ida nee. No Sua santidade Papa mos hatete ba nasaun seluk ema simu nia nunka hanesan iha Timor Leste. Nee laos iha rai seluk simu ladiak hotu hotu simu diak, ema miloens ba miloens maibe iha TL mak Papa sente konaba sentiment sarani no povu nia emosional los klean forte.
Nunee mos Sekretariu Estadu Komunikasaun Sosial (SEKOMS), Expedito Dias Ximenes sente haksolok no apresia ba media sira neebe bele halo produtu jornalistiku, tanba nee produtu audio visual husi amig jornalista sira no balu, husi Media Ofice balu, husi estudante husi Universidade neebe ohin ohin hetan premeiru lugar too kintu lugar.
“Kompetisaun ba kolega sira neebe ohin hetan premio ida nee hau sente apresia no haksolok tebes husu para atu kontinua tanba hanesan ita hotu hatene audiovisual no foto jornalismo nee 100 Palabra, nia signifikadu boot tebes,” katak Expedito.
Nunee mos manan Virginia dos Santos, husi RTTL hatete, premeiru hatoo agradese ba Maromak ba oportunidade neebe nia hetan, no sente kontente no orgulhu, tanba bele hetan premiu ho video neebe sira foti bainhira vizita sua santidade Papa Francisco mai Timor Leste ida nee hanesan osan mean ida memoria ida neebe ema haree bele relembra fila fali momentu sira nee.
Nia hatete, Vidio neebe foti hahu husi tun husi Aviaun no vizita fatin oin oin iha kapital Dili too fila ba Aeroporto sae aviaun fila ba Roma.
Tanba ideo neebe hatama ho duransaun minute 3 tanba nee sira foti video neebe importante deit mak hatama ba juri sira, hodiseik mak hetan kontantu husi Juri sira ohin mai simu premio husi Prezidente Republika.
“Ami hatene katak ami mai simu sertifikadu ami lahatene Semak premeiru lugar, segundu lugar mai tiha iha nee mak foin sira fo sai, entaun ida nee hanesan surprise los ba ami,” katak Virgina.
Nia mos sente kontente no orgulhu tebes bainhira estadu rekoinese video neebe sira foti hodi Haruka ba Roma.
Jornalista: Emerenciana
Editora:Carme Ximenes
