DILI, STLTIMORLESTE.com – Prezidente Republika (PR), Jose Ramos Horta hakfodak haree Eskola Z&Z Internasional Eschool Bebonuk, neebe iha kualidade diak tebes.
Xefe Estadu hatoo kestaun nee ba jornalista sira, bainhira remata vizita ba Eskola Z&Z Internasional Eschool Bebonuk, Sesta (07/11/2025).
“Ohin hau mai vizita eskola Z&Z Eschool Internasional hanesan hau ba dala barak eskola neebe iha, eskola publiku, eskola privadu sempre buka fo intensivu, se mak iha kbiit iha vizaun setor privadu investe sira nia osan rasik iha eskola neebe kualidade tenke iha kualidade, kualidade kurikulum, kualidade Mestri sira, professor sira no kualidade infaestrutura,” dehan PR, Horta.
Prezidente Republika hatete, eskola Z&Z Eschool Internasional oferese garantia kualidade infraestrutura, kualidade kurikulum, ba professor sira nee hanesan modelu ida importante, espera katak Governu bele haree no tetu didiak para fo intensivu boot liu tanba populasaun joven menus 30 anos liu 60% populasaun menus 20 anos 50% populasaun pois kosok oan sira barak los moris bebeik loron loron sira nee presiza tau matan.
“Sira nee presiza tau matan, tau matan ba sira nia nutrisaun, Saude, tau matan ba sira nia edukasaun tanba nee hau koalia ho Diretor eskola ho diretora hau hakarak vizita tanba nunka mai iha nee, I hakfodak haree kualidade diak los, signifika sira tau sira nia investimentu rasik hatoo parabens ba sira,” dehan Prezidente Republika, Horta.
Xefe Estadu hatutan, iha eskola publiku balun diak no kualidade, imfestrutura diak Governu tau orsamentu liu tan maibe seidauk sufisiente, maibe nee Governu nia desizaun Primeiru Ministru nia kriteriu no desizaun Prezidente labele halo buat ida kooforme Governu eleitu maioria parlamentu neebe mak tane Governu nee sira mak deside.
“Iha Timor Leste iha mundu liu-liu rai sira hanesan ita rai joven terseiru mundu dezenvolvimentu hau hatete laiha prioridade ke bele boot liu edukasaun, laiha prioridade ke boot liu nutrisaun, saude infantil laiha prioridade ke boot liu setor saude, setor saude importante tebes,” dehan PR Horta.
Setor saude importante, setor saude laos deit halo tratamentu setor saude halo prevensaun, porze,mlu iha rai nee laiha klinika espesial ruma ba eskola sira, no Universidade mos laiha sentru mediku id aba universidade rai seluk iha hanesan indonezia iha sentru ba estudante sira, tanba nee tuir Prezidente setor edukasaun kompleksu maibe Prezidente buka apoiu buat neebe bele.
Nunee mos Diretor Eskola Z&Z Eschool Internasional, Rony Joel B. da Costa hatoo agradese ba Prezidente Republik abele vizita eskola, no Prezidente hakarak haree eskola nee, no eskola nee harii iha 2024 agora tinan ida. No Prezidente mos orgulhu nuudar Timor oan bele investe iha edukasaun, tanba setor edukasaun importante atu harii fundasaun metin ba rekursu humanu neebe diak atu responde ba nesesidade aban bainrua ba dezenvolvimentu ekonomia rai laran nia tinan barak mai.
“Edukasaun pilar ida ke importante tebes, orgulhu tebes hanesan Timor oan ita mos bele investe iha setor edukasaun, no Prezidente nafatin fo inspirasaun no korajen atu bele halo buat diak ba nasaun, tanba nasaun presiza rekursu humanu neebe diak ho kualidade ida nee mak importante,” katak nia.
Entretantu eskola Z&Z ho total estudante 115 no professors total 27 pesoas kompostu husi profesores husi estranjeiru 12 pesoas maioria mai husi Filipina.
Jornalista: Emerenciana Pinto
Editora: Carme Ximenes
