DILI, STLTIMORLESTE.com – Prezidente Republika (PR), Jose Ramos Horta halo enkontru ho Embaixador Japaun ba Timor Leste nomos Jetro husi Indonezia, hodi koalia kona-ba investimentu neebe atu halao Iha Timor Leste.
Bainhira remata hasoru malu, Embaixadór Japaun iha Timor Leste, Tetsuya Kimura ba jornalista sira iha Palasiu Prezidensial Nicolau Lobati, Bairo Pite, Dili, Kuarta (20/11/2024) hatete, ohin Embaixador Japaun akompanha hela Jetro Indonezia hodi mai halo enkontru ho Prezidente Republika, hodi koalia kona-ba investimentu neebe Japaun atu halo Iha Timor Leste.
Embaixador nee dehan, Jetro organizaun Governasaun Japaun nian neebe responsavel ba promosaun komersiu no investimentu externu, Governu Japaun nia Jetro Indonezia kobre Timor Leste.
“Hanesan ita boot sira hatene agora daudaun iha kompanhia konstrusain Naval nia depois solar panel neebe sira halo investimentu iha Timor Leste, no ohin tan ami diskuti ho sua exelensia Prezidente Republika oinsa ami promove liu tan kompanhia empreza Japones sira neebe hakarak halo investimentu iha Timor Leste,” katak Embaixador nee.
Iha biban nee, Prezidente Republika, Jose Ramos Ramos Horta apresia tebes ba Governu Japaun neebe hakarak investe iha Timor, bazeia ba diskusaun sira nee mak hakarak halo avansa liu tan saida mak halao iha futuru.
Empreza balu halo investimentu konkretu iha Timor neebe fila tiha ona, ida nee pela premeiru vez Diretor Jetro Indonezia mai vizita Timor Leste, husi diskusaun ida nee mak sei fahe informasaun nee ba Kompanhia Japaun neebe hakarak investe iha Timor Leste depois halo estegmentu.
(eme)
