DILI, STLTIMORLESTE.com – Prezidente Republika (PR), Jose Ramos Horta hatete, durante nia mandatu buka hametin parseria estratejika sira nia ambitu relasaun Internasional, valorizasaun ba edukasaun, saude no apoiu foinsae no promosaun igualdade jeneru no seluk tan.
Xefe Estadu dehan, nia buka atu ezerse poder prezidensial sira ho forma ativa no ekilibrada, hodi implementa konjuntu programa sira neebe alina ho prioridade estratejika sira neebe uluk define ona ba nia mandatu hametin parseria estratejika sira iha ambitu relasaun internasional valorizasaun ba edukasaun no saude apoiu ba foin-sae sira, ba empreendedorizmu, ba arte no ba kultura promosaun igualdade jeneru no inkluzaun defeza ba Estadu Direitu Demokratiku no justisa sosial.
“Hau buka atu ezerse hau-nia poder prezidensial sira ho forma ativa no ekilibrada, hodi implementa konjuntu programa sira neebe alina ho prioridade estratejika sira neebe uluk define ona ba hau-nia mandatu hametin parseria estratejika sira iha ambitu relasaun internasional valorizasaun ba edukasaun no saude apoiu ba foin-sae sira, ba empreendedorizmu, ba arte no ba kultura promosaun igualdade jeneru no inkluzaun defeza ba Estadu Direitu Demokratiku no justisa sosial,” dehan Prezidente Republika, Horta liu husi diskursu, iha Parlamentu Nasional, Segunda (15/09/2025).
Maibe hanesan Prezidente Republika buka atu atua ho forma konstrutiva hodi mobiliza esforsu sira husi parte oioin kona-ba kauza boot sira neebe halibur konsensu nasional, hanesan kombate pobreza, malnutrisaun, inseguransa ai-han no stunting estatura badak neebe kauza hosi moras kresimentu nian demokratiza asesu ba servisu baziku sira hanesan uma, bee, saneamentu no eletrisidade promosaun ba direitus umanus no justisa defeza ba soberania nasional no seguransa publika.
Molok atu halo espozisaun badak ida kona-ba objetivu no rezultadu sira neebe alkansa husi Programa sira neebe implementa ona nia hakarak temi badak konjuntu medida administrativa no finanseira neebe foti iha domíniu jestaun
Tanba institusional Prezidensia Republika nian, neebe ho finalidade atu hamenus todan finanseiru sira, optimiza transparensia, efisiensia no efikasia iha utilizasaun rekursu sira neebe disponivel.
Jornalista: Emerenciana Pinto
Editora:.Carme Ximenes
