DILI, STLTIMORLESTE.com – Prezidensia Republika (PR) realiza serimonia isar Bandeira Meia Haste, hodi presta omenajen ba Sua Santidade Papa Francisco, neebe Nai bolu ona ba Nia kadunan santu.
Serimonia isar bandeira prezide husi Adjunta Xefe Kaza Sivil, Henriqueta Maria da Silva liu husi Um Minitu silensiu iha Palasiu Prezidensial, Nicolau Lobato, Bairo Pite Dili, Tersa (22/04/2025).
Nia hatete, ho Sua Santidade Papa Francisco nia vizita mai Timor Leste iha tinan kotuk husik hela valor importante ba sarani sira, iha moris fee, esperansa no karidade.
“Ita nia memoria ho Amu Papa, Sua Santidade Papa Francisco hamutuk ho ita iha tinan ida ba husik hela memoria, husik hela valor importante ba ita, ba moris fee, esperansa no karidade, tanba nee ita fo um minutu silensiu hodi hasae orasaun ba nia, atu nia deskansa ho hakmatek iha reinu lalehan nia,” katak Adjunta.
Adjunta husu sarani idak-idak kontinua hasae orasaun ba Maromak atu nunee Sua Santidade Papa Francisco nia klamar deskansa hakmatek iha reinu lalehan.
Serimonia ensar bandeira nee husi Seguransa Prezidensial Republika hamutuk ho funsionariu Prezidensial Republika.
No serimonia ensar bandeira Meia Haste nee prezide husi Adjunta Xefe Kaza Sivil, Henriqueta Maria da Silva ho um minutu silensiu hodi presta omenajen ba Sua Santidade Papa Francisco neebe Nai bolu hikas ona iha Nai nia Kadunan Santu iha loron Segunda (21/04/2025).
(eme)
