DILI, STLTIMORLESTE.com – Prezidente Republika (PR), José Ramos Horta hatoo sentidu kondolensia ba Padre Domingos Soares Maubere neebe Nai bolu hikas ona iha Nai nia kadunan Santu.
Karta kondolensia formal ida nee, ho data 16 fulan Maiu 2025, husi Jose Ramos Horta, Prezidente Republika, ba Sua Eminensia Kardeal Dom Virgílio do Carmo da Silva, SDB, Arsebispu Dili nian, hafoin Padre Domingos Soares Maubere hakotu iis ohin.
Prezidente Ramos Horta hatoo tristeza klean no hatoo sentidu kondolensia ho fuan hodi povu Timoroan nia naran no nia aan rasik, hodi rekonhese Padre Domingos Maubere nia dedikasaun durante moris tomak, nia servisu pastoral neebe nakonu ho kompaixaun, partikularmente ba ema vulneravel sira, no nia kontribuisaun signifikativa sira ba Rezistensia Nasional Timorense no nasaun nia dalan ba autodeterminasaun no pas.
(eme)
