DILI, STLTIMORLESTE.com – Prezidente Republika (PR), Jose Ramos Horta partisipa iha lansamentu sistema adminstrasaun Balkaun Uniku ba Munisipiu Dili, iha edifisiu Administrasaun Munisipiu Dili.
Iha oportunidade nee Xefe Estadu apresia ba Governu atual neebe lidera husi Kay Rala Xanana Gusmão, tanba konsege estabelese Balkaun Uniku ho objetivu prinsipal atu aselera prosesu dezenvolvimentu liu-liu kona-ba hakbesik no hafasil atendimentu administrasaun publiku ba sidadaun sira, inklui sai baze importante ba prosesu desentralizasaun munisipal tui planu estratejiku.
Balkaun Uniku eziste mos atu promove transparensia iha servisu administrasaun publika no sai mos fonte kredivel ba konfirmasaun informasaun sidadaun no munisipal iha kada territoriu munisipal.
Ba ezistensia Balkaun Uniku realiza tanba servisu hamutuk entre IX Governu liu husi Ministeriu Administrasaun Estatal hamutuk ho UNDP.
(eme)
