DILI, STLTIMORLESTE.com – Prezidente Republika (PR), Jose Ramos Horta halo enkontru ho Embaixador United Arab Emirates ba Republika Indonezia no Naun-rezidente ba TL no ASEAN, Abdulla Salem Aldhaheri, hodi diskute kona-ba apoiu neebe UAE sei halo dormitoriu iha Palasiu Prezidensial hodi akula estudante feto sira.
Bainhira remata hasoru malu, Embaixador United Arab Emirates ba Republika Indonezia No naun Rezidente ba TL no ASEAN, Abdulla Salem Aldhaheri ba jornalista iha Palasiu Prezidensia Nicolau Lobato, Bairo Pite, Kuarta (18/03/2026) hatete, sente haksolok hasoru malu ho Prezidente Republika Jose Ramos Horta, funu iha mediu Oriente neebe halo Iraun ataka Emiradu Arabe Unidu, inklui mos kontrusaun Dormitoriu neebe UAE sei apoiu, tempu badak sei halo kontrusaun.
“Sente haksolok tebes hasoru malu ho Sr. Prezidente no Dignitariu sira seluk, iha Governu Timor Leste nia laran. Ami iha enkontru ida neebe diak tebes no produtivu ho nia Exelensia, Sr. Prezidente, Jose ramos Horta, ami diskute hanesan ita-boot hatene, Situasaun ikus liu no rejiaun partikular, Iraun no Emiradu Arabe Unidu situasaun, agresaun neebe Iranianu ita-boot hatene, mak Ita-boot hatene, ataka Emiradu Arabe Unidu no kualker nasaun seluk, ita-boot hatene, iha rejiaun, inklui mos liurai boot Jordania,” dehan nia.
Apresia ba Governu Timor Leste nomos Prezidente Republika neebe hatoo sentidu ba sira, espera katak ho situasaun ida-nee sei remata lalais no seguransa sei fila fali ba normal.
Aleinde nee iha hasoru malu nee diskute mos kona-ba projetu balun neebe Emiradu Arabe Unidu sei fo apoiu halo uma dormitoriu ba feto iha Palasiu Prezidensial nomos fasilidade estadu-de-arte nian ba sira estudante feto sira.
Dormitoriu nee halo kuartu 500 akomodasaun nian neebe sei, ita-boot hatene, hahu, konstrusaun iha tempu badak, projetu, implementasaun, ita-boot hatene, diretor, neebe hamutuk ho ami, durante vizita ida-nee no nia sei hela karik, loron 2. Liutan atu avalia fundamentu sira. No asegura katak projetu ida nee sei entrega too Maiu 2027, mi diskute ona. Nunee mos area sira seluk husi kolaborasaun entre Emiradu Arabe Unidu, no ekonomia, turizmu no seluk tan. Hau hein tebes katak, relasaun sei sai diak nafatin. Hanesan oinsa ita haree ida-nee, ba tempu nee ami sei halo deit saida mak presiza atu asegura katak relasaun ida-nee sai metin liutan no sira uluk mai,” katak embaixador.
Nia hatutan iha hasoru malu nee deskreve ona relasaun. Saida,sira buka hela iha relasaun ho akomodasaun feto nian, estudante sira, akomodasaun feto nian.
“Ami sei iha mos ekipa ida neebe sei mai no vizita, durante semana 2 dahuluk fulan-Abril nian, sira sei, haree mos ba area sira, ita-boot hatene, turizmu. Sira sei haree ba area sira husi , Setor Saúde. No ita sei haree iha neebe maka ita bele envolve liutan atu kolabora ho ekipa ka ita dehan iha setor partikular sira-nee,” katak nia.
Iha biban nee, Prezidente Republika Jose Ramos Horta ho laran haksolok bele hasoru malu ho Embaixador United Arab Emirates ba Republika Indonezia No naun Rezidente ba TL no ASEAN, Abdulla Salem Aldhaheri hodi deskute konaba apoiu neebe UAE sei apoiu liu liu halo dormitoriu iha palasiu Prezidensial hodi akula estudante feto sira.
Prezidente mos iha esperansa katak ho apoiu husi sira bele akumula mos estudante feto sira neebe husi foho mai halo estudu iha kapital sidade Dili.
(eme)
