DILI, STLTIMORLESTE.com – Prezidente Republika (PR) Jose Ramos Horta ho Embaixador Nao Rezidente husi Arjentina, Gustavo Rivardo Coppa diskute asuntu politika bilateral rai rua.
Bainhira remata halo enkontru Embaixador Nao Rezidente husi Arjentina, Gustavo Rivardo Coppa ba jornalista sira hatete, nia vizita Timor Leste bá daruak ona, iha hasoru malu nee diskute kona-ba asuntu politika bilateral.
“Ida nee mak hau nia vizita daruak no hanesan onra ida ba hau atu fahe almosu ho Prezidente. Ami fahe kafe hamutuk no koalia kona-ba kestaun polítika bilateral nian entre ami nia nasaun sira, hau espresa ba Prezidente katak hau kontente tebes kona-ba amizade. Entre ita nia povu sira, no koalia mos kona-ba vizita Papa Francisco nian,” dehan nia iha Palasiu Prezidensial Nicolao Lobato, Bairo Pite, Tersa (18/02/2025).
Embaixador dehan, iha tinan kotuk nia rohan Prezidente konta buat hotu neebe akontese durante vizita, ida nee infelizmente nia gosta tebes fahe momentu nee ho sira. Nia sidade furak, tuir lo-loos iha ema fantástiku sira nia gosta maibe tanba moras la partisipa iha eventu nee.
“Hau mos manifesta hau nia surpreza ba ema sira diak tebes, sidade neebe bonita iha ema sira neebe kontente tebes, tanba nee hau hatoo rekonhesimentu ba prezidente. Definitivamente hau sei fila fali iha tempu badak nuudar Embaixador Arjentina nian hodi kontinua servisu entre Arjentina no TL,” katak nia.
Nia hatete, iha hasoru malu nee koalia mos kona-ba kooperasaun rai rua oinsa mak bele seservisu rbisu hamutuk iha futuru.
(eme)
