DILI, STLTIMORLESTE.com – Prezidente Republika Jose Ramos Horta halo enkontru ho Embaixador Malazia ba Timor Leste, Dato Amarjit, hodi diskute hamutuk oinsa hametin relasaun rai rua.
Bainhira remata hasoru malu, Embaixador Malazia ba Timor Leste, Dato Amarjit ba jornalista sira iha Palasiu Prezidensial Nicolau Lobato, Bairo Pite, Tersa (31/03/2026) hatete, ohin mai halo enkontru hatoo despedida ho Xefe Estadu, aleinde nee koalia mos kona-ba relasaun rai rua entre Malazia ho Timor Leste.
“Ohin hau hatoo despedida ho respeitu ba Prezidente Jose Ramos Horta. Iha hasoru malu nee ami koalia liu oras ida, ami halo revizaun ba kestaun sira neebe akontese iha relasaun Malazia no Timor Leste durante tinan tolu nia laran,” dehan Embaixador.
Embaixador Malazia ba TL hatete iha hasoru malu nee asuntu ida neebe importante liu mak koalia konaba kompletasaun dokumentasaun ba rai neebe governu Timor Lorosae fo ba governu Malazia iha estrada ibun Pantai kelapa nia.
“Hau hanoin ida nee maka valor ida neebe importante tebes iha relasaun entre Malazia ho Timor Leste. Aleinde ida nee, hau hakarak hatoo hau-nia agradesimentu no apresiasaun aas ba Prezidente ba ninia apoiu tomak hodi fo prioridade ba asuntu sira neebe kauza ona asuntu nasaun rua nian, inklui rai neebe oferese ba Malazia,” dehan nia.
Nia hatutan, iha hasoru malu koalia mos konaba ligasaun Aero Dili neebe vou direita husi Timor Leste ba Kuala Lumpur.
Foin lalais nee Aero Dili mos lansa semo semana ida dala rua entre Dili no Kuala Lumpur. Prezidente Republika mos agradese ba Primeiru-Ministru Malazia neebe apoiu ba Timor-Leste nia adezaun ba ASEAN iha loron 26 fulan-Outubru.
Iha biban nee Prezidente Republika Jose Ramos Horta hatoo nia hakarak atu Malazia kontinua halao knaar ida hodi tulun Timor-Leste nia integrasaun iha ASEAN. Timor-Leste agora hakat ba nia aspirasaun atu sai líder ASEAN nian iha tinan 2029.
Iha rekomendasaun nee Embaoxador hatete Malazia, labele simplesmentehusik nai belun maibe malazia sei tulun nafatin posivel hodi garante Timor-Leste nia independensia no kontinua adezaun iha ASEAN 2029.
Embaixador mos haktuir tan katak Malazia nafatin iha protidaun hodi apoiu Timor Leste, hodi bele sai membru Full iha tinan 2029, no koperasaun entre Timor Leste ho Malazia kontinua metin nafatin iha area oin oin.
(eme)
