DILI, STLTIMORLESTE.com – Prezidente Republika (PR), Jose Ramos Horta halo enkontru kortejia ho Embaixador Kroasia hodi fahe pozisaun konjunta nesesidade urjente proteje sidadaun husi impaktu krize global.
Iha biban nee Embaixador Embaixador Naun-Rezidente Kroasia ba Timor Leste, Nebojša Koharović ba jornalista iha palasiu Prezidensia Nicolau Lobato, Bairo Pite, Segunda (16/03/2026) hatete, haksolok hodi halo enkontru ho Prezidente Republika Jose Ramos Horta. Embaixador hatete, iha hasoru malu nee fahe hanoin ba malu konaba nesesidade atu bele implementa medida sosial neebe forte hodi proteje populasaun husi krize global sira.
“Haksolok hasoru malu ho Prezidente Republika, iha hasoru malu nee koalia kona-ba kompromisu konjuntu hodi prezerva orden global husi konflitu sira neebe daudaun lao hela iha Europa no Mediu Oriente,” katak Embaixador.
Iha enkontru nee Prezidente Ramos Horta no Embaixador Kroasia fahe pozisaun konjuntu kona-ba nesesidade urjente atu proteje sidadaun sira husi impaktu sosio ekonomiku husi krize global sira.
Dialogu nivel altu nee foka liu ba panorama polítika internasional atual, ho líder rua nee reafirma sira-nia kompromisu konjuntu hodi prezerva orden global husi konflitu sira neebe daudaun lao hela iha Europa no Mediu Oriente.
Durante enkontru nee, Embaixador Koharović apresia Timor Leste nia tradisaun demokratika neebe forte no espresa Kroasia nia apoiu entuziasta ba adesaun nasaun nee ba ASEAN, hodi destaka ASEAN no Uniaun Europeia nuudar rede vital ba estabilidade global.
Aleinde asuntu global sira, enkontru nee mos fo rezultadu neebe pozitivu tebes ba dezenvolvimentu relasaun bilateral entre Dili no Zagreb.
Embaixador Koharović anunsia katak Kroasia sei ofisialmente loke Konsuladu Onorariu iha Dili, hodi kompleta ninia embaixada iha Jakarta, atu impulsiona ho ativu kooperasaun mutuu.
Líder rua nee konkorda kona-ba importansia atu esplora oportunidade foun neebe fo benefísiu mutuu iha setor xave sira, ho foku espesífiku ba espansaun relasaun iha area ekonomia, turizmu, kultura, no asistensia humanitaria.
Alende nee fahe pozisaun konjuntu kona-ba nesesidade urjente atu proteje sidadaun sira husi impaktu sosioekonomiku husi krize global sira. Sira diskute kona-ba nesesidade atu implementa medida sosial neebe forte hodi proteje populasaun sira husi efeitu negativu husi konflitu internasional sira, liu-liu perturbasaun komersiu iha mundu tomak no kustu hahan no kombustível neebe sae makaas.
Enkontru neebe fo rezultadu diak nee marka pasu signifikativu ida ba oin hodi hametin amizade diplomatika no vizaun konjuntu ba pas entre Timor-Leste no Kroasia.
(eme)
