DILI, STLTIMORLESTE.com – Prezidente Republika (PR), Jose Ramos Horta halo enkontru ho Profesor Andrea Riccardi, Fundador distinta Komunidade SantEgidio nian iha Trastevere, Roma.
Tuir komunikadu neebe STL asesu husi media PR Sesta (21/11/2025) hatete, iha hasoru malu nee sira diskute kona-ba valor komun sira-neebe liga iha dezafiu global sira-nia oin no esplora dalan ba kolaborasaun hodi defende sira-neebe vulneravel liu.
Vizita ida-nee reafirma lasu metin entre TL no parseiru internasional sira-neebe dedika aan Durante vizita traballu iha Italia, Prezidente Ramos-Horta hasoru malu ho Prof. Andrea Riccardi, Fundador Komunidade SantEgidio nian, Destake husi vizita nee sei halao vizita estadu ba Vatikanu.
Iha loron 21 Novembru, Prezidente Ramos-Horta sei halo audiensia privada ho Sua Santidade Papa Leão XIV. Prezidente sei hatoo fiar metin no saudasaun povu timoroan nian, hodi reafirma ligasaun espiritual neebe metin entre Timor-Leste no Santa Se. Depois de audiensia nee, Prezidente Ramos Horta sei hasoru malu ho Sua Exelensia Arsebispu Paul Richard Gallagher, Santa Se nia Sekretariu ba Relasaun ho Estadu no Organizasaun Internasional sira.
Reflete kona-ba vizita nee, Prezidente Ramos-Horta afirma, nia viajen nee sentidu profundu konaba objetivu gratidaun TL nia ligasaun ho Santa Se.
Prezidente dehan, viajen ida-nee ho sentidu profundu kona-ba objetivu no gratidaun. Timor-Leste iha ligasaun istoriku ida-neebe klean ho Santa Se, neebe mai husi iha fiar Katolika komunpilares fortes husi povu.
Distinsaun sira-nee hametin liutan Prezidente Ramos-Horta nia reputasaun internasional nuudar estadista prinsipal no defensor ida ba pas. Prezidente Ramos Horta sei konklui vizita iha Italia iha loron 22 novembru no tuir planu sei too iha Díli iha loron 24 fulan novembru tinan 2025.
Jornalista: Emerenciana Pinto
Editora: Domingas Gomes
