DILI, STLTIMORLESTE.com – Prezidente Republika (PR), Jose Ramos Horta halo enkontru ho Investor Xines husi kompanhia Kunyao Consration hodi diskute hamutuk saida mak investidor Xina halo iha Timor Leste.
Bainhira remata hasoru malu, Adido Comercio Timor Leste ba Xina Aires E. Aparicio Guterres ba jornalista iha palasiu Prezidensial Nikolao Lobato, Bairo Pite, Tersa (05/08/2025) hatete, ohin kompanhia husi Kunyao Constration husi Xina mai hasoru Prezidente Republika hodi koalia kona-ba saida mak sira halo iha Timor Leste.
“Ohin ami mai iha nee hamutuk ho investor Xines Kunyao Constration sira mos estabelese ona kompanhia iha Timor sira ho diretor komersiu ho ekipa no adidu edukasaun no hau adidu Aires Timor Leste ba Xina mak akompanha kolega sira ohin ami mai iha nee aprezenta ba nai Prezidente neebe ita hotu hatene sempre suporta no enkoraja investidor sira husi rai neebe deit hodi mai investe iha Timor Leste,” katak Aires.
Nia hatete, sira mai hatoo ba Prezidente saida mak oras nee sira investe no halo dadaun ona iha Timor no area saida tan mak sira hakarak investe ba.
“Sira nee hanesan ita hotu hatene katak Nain Prezidente Ramos Horta ema Timor ida neebe mos famozu iha mundu premiado nobel da pas funadador nasaun RDTL no Prezidente dala rua diplomata senior neebe koinesidu iha mundu barak mak hatene no nain Prezidente halo buat barak neebe halo dadaun no halo liu ona tanba nee mak ema barak hakarak mai hasoru Prezidente hodi komprementa hodi rona hanoin no vizaun konaba dezenvolvimentu Timor nia ba oin sira mos hakarak hola parte,” katak nia.
Nia hatete, sira mos kontente tebes mai iha Timor tanba Timor hanesan nasaun joven ho potensia boot tebes atu bele sai hanesan nasaun seluk ho povu neebe homilde no laran diak sira mos hatene depois de vizita husi Prezidente Republika ho Primeiru Ministru ba Xina iha tempu hirak liu bai ha buat barak mak nasaun Xina no TL kompremete atu halo iha area oin oin hanesan peskas, agrikultura, turizmu, edukasaun, imfraestrutura no seluk tan, ba Timor tuir mehi neebe mak iha.
Iha enkontru nee Prezidente Republika Jose Ramos Horta husu atu servisu ho seriedade ho responsabilidade hodi bele ajuda dezenvolve Timor Leste no bele kria kampu serbisu ba povu liu liu ba joven sira iha rai laran.
Prezidente Republika mos husu investidor sira tenke serbisu hamutuk ho Governu ho setor pribado Timor Leste nia atu bele atinzi planu dezenvolvimentu iha area oin oin.
Nunee mos Ziheng Luo husi kompanha Kunyao Constraction hatutan hatete primeiru no importante liu, hakarak hatoo admirasaun klean ba dedikasaun durante moris tomak ba pas no rekonsiliasaun, TL nia kontribuisaun neebe notavel hodi hametin Timor Leste nia parseria ho Xina. TL nia lideransa sai instrumental hodi kria nasaun ida neebe estavel no haree ba oin.
“Segundu, hau hakarak fahe ho ita-boot sira projetu balu neebe lao hela neebe ami orgullu atu halao iha Timor-Leste, iha kooperasaun ho COVEC no Norinco International Corporation Ltd. Ami estabelese ona ami nia empreza, BOA, iha Timor-Leste, no agora daudaun iha projetu ativu sira iha Milest iha fulan 3 nia laran, ami kria ona empregu liu 200 ba traballador lokal Timor-oan sira. Projetu sira-nee laos deit avansa ona infraestrutura maibe mós kria ona empregu sira neebe makaas no oportunidade sira ba harii abilidade sira,” katak nia.
(eme)
