DILI, STLTIMORLESTE.com – Prezidente Republika (PR), José Ramos Horta ensera serimonia Festival Fest neebe halao iha Palasiu Prezidensial Nikolao Lobato, Bairo Pite.
Liu husi diskursu iha serimonia Festival Fitun Fest neebe halao iha Palasiu Sesta kalan (26/07/2025) Prezidente Republika José Ramos Horta hatoo agradese ba Asosiasaun Empreendedoriszmu no Jestaun Kultural nuudar organizadoe ba Fitun Fest 2025, hanesan patrosinador sira.
Prezidente Jose Ramos Horta felisita susesu eventu nian hanesan demostrasaun ida husi fortalesimentu emprendedorizmu lokal. Xefe Estadu elojia fo espozisaun oioin kona-ba artezanatu no ai-haan lokal sira, hanesan ezemplu prinsipal ida hosi nia administrasaun nia kompromisu hodi kria prezidensia ba povu.
“Hatoo agradesimentu ba Asosiasaun Empreendedoriszmu no Jestaun Kultural nuudar organizador ba Fitun Fest 2025, hanesan patrosinador sira no vendedor barak neebe partisipa, sublina katak Prezidensia Republika rasik halo kompras iha enlventu nee hodi apoia diretamente negosiu kiik sira no haburas reziliensia ekonomika lokal,” katak PR Horta.
Prezidente Ramos Horta elabora kona-ba nia filozofia “palásiu nakloke”, hodi aprezenta jardin Prezidensial hanesan espasu publiku uniku ida. Prezidente destaka katak provavelmente hanesan edefisiu prezidensial uniku iha mundu neebe ninia odamatan nakloke, oferese piscina publika ida ba labarik sira no iha kantina ida neebe fornese hahan gratuita loron-loron ba labarik sira atus ba atus.
Xefe Estadu rekonhese espesialmente kontribuisaun vitál sira husi parseiru internasional sira, inklui embaixada sira husi Malázia, Singapura no Japaun neebe sira nia apoiu ajuda sustenta inisiativa sira nee neebe hakbesik ba komunidade.
Haree ba oin, Prezidente Republika Jose Ramos Horta garante katak eventu hanesan nee sei kontinua iha tempu oin mai, hodi reforsa Prezidente nia vizaun kona-ba Prezidensia neebe asesivel no envolvida ativamente iha dezenvolvimentu sosial no ekonomiku nasaun nian.
Prezidente mos reafirma kompromisu hosi nia administrasaun atu kontinua fo apoio logístiku ba festival komunitsriu sira, liu husi fornese ekipamentu no teknolojia, atu garante katak Palasiu Prezidensiál sei kontínua nuudar sentru apoiu no oportunidade ba ema Timoroan hotu.
(eme)
