SUISA, STLTIMORLESTE.com – Prezidente Republika (PR), Jose Ramos Horta asina akordu ho Global Plastic Neutral hodi Hametin Parseria “Global Plastik WEF 2026.
Tuir observasaun neebe mak STL iha Zurich Sesta kalan (23/01/2026) Prezidente Republika hamutuk ho asina akordo ho Global Plastic Neutral iuha Zurich hodi hametin parseria iha future.
Durante Forum Ekonomiku Mundial 2026, Prezidente Republika, Jose Ramos.Horta partisipa iha serimonia asinatura formal ida ho inisiativa Global Plastik Neutral no Brave Blue Hope, hodi marka tinan ualu kolaborasaun ba preservasaun tasi nian.
Wainhira asina akordu nee iha nia kualidade nuudar líder fundasaun nian, parseiru internasional sira rekonese Prezidente nuudar Patronu fundamental ba inisiativa nee.
Prezidente Ramos-Horta deklara katak akordu nee hanesan pasu vital ida atu kombate impaktu aat (nefarious) hosi lixu plastiku, neebe ameasa saude umanu no ekosistema tasi nian iha rejiaun Indo-Pasífiku.
Durante intervensaun nee, Prezidente liga inisiativa global nee ho Timor Leste nia estratejia “Ekonomia Azul”, neebe sai prioridade ba governu Primeiru-Ministru Xanana Gusmão nian. Prezidente Ramos Horta sublina katak luta kontra poluisaun plastiku laos deit objetivu ambiental, maibe mos hanesan saude publika nia nesesidade ida.
Hodi foti lideransa fundasaun nian ba estrutura Global Plastic Neutral, Prezidente reafirma katak Timor Leste prontu atu fo ezemplu, hodi uza jestaun lokal no parseria internasional sira atu elimina lixu plastiku hosi nia tasi-ibun sira.
Prezidente Ramos Horta mos sublina kbiit rejional hosi kompromisu nee, hodi pozisiona Timor Leste nuudar kuidador (steward) ba Triangulu Koral no membru dasanulu-resin-ida ASEAN nian neebe proativu.
Nia hanoin fali nia knaar wainhira asina akordu orijinal Triangulu Koral iha Manado, hodi nota katak salvaguarda moris tasi nian importante tebes ba saude ema millaun 100 resin iha Triangulu Koral no millaun 700 iha rejiaun ASEAN laran tomak.
“Nee refleta konsensu iha nasaun laran no refleta konsensu global,” dehan Prezidente rrepublika Jose Ramos Horta.
Nia hatete, atu refleta consensus Global Prezidente hatete, hodi hametin Timor-Leste nia knaar nuudar líder neebe pozitivu ba natureza iha rejiaun nee.
(eme)
