COVALIMA, STLTIMORLESTE.com – Durante mandatu Prezidente Republika daudaun nee halo ona uma dignu kompleta ho kios sasan uma laran hamutuk 30 resin mak entrega ona ba komunidade vulneravel iha Timor laran.
Lia hirak nee hatoo husi Assesor Prezidensia Republika, Quintiliano Moniz ba jornalista sira, bainhira remata halo Lansamentu fatuk dahuluk iha Suku Camenaca, Munisipiu Covalima, Sesta (27/02/2026).
Nia hatete, durante mandatu Prezidente Republika halo ona uma dignu neebe entrega ba komunidade Vuneravel sira iha munisipiu sira hamutuk 30 resin.
“Konta 30 ital ona agora ho tan tinan mai nee bele aumenta laos dehan para hamenus numeru oituan deit haree ida neebe grave liu ita apoiu laos dehan haree deit propgrama sira igreza liu husi reabilita eskola no igreja deit lae, maibe limita deit haree ida neebe mak grave liu mak prezidensia bele apoiu ida neebe mak naton ho orsamentu neebe boot ita enkamina ba Governu liu liu ba dezenvolvimentu rural tanba tau osan boot sir abele halo,” dehan Asesor PR.
Asesor dehan uma dignu ba Komunidade neebe vuneravel nee dadaun nee 30 resin ona, balun tanba prosposta husi autoridade lokal, balun Prezidente akompanha husi media neebe publika entau prezidente haruka ekipa tun halo sosializasaun hodi halo kontrusaun uma dignu hodi entrega direita ba komunidade sira nee.
“Uma neebe kontribui hodi entrega ba komunidade vuneravel nee 30 resin ona,” dehan Asesor.
Nunee mos Koordenadora Unidade Servisu Sosiedade Sivíl no Asuntu Sosial Prezidensia Republika, Teresa dos Santos Ximenes hatete, prezidente Iha esforsu kontinua atu harii uma neebe dignu ba sidadaun vulneravel sira iha nasaun laran.
Uma modenu ou uma dignu sira-nee, ho medida 8×7 metru no iha kuartu tolu, reprezenta investimentu total hamutuk US$ 14.511 ba uma idak-idak, neebe kobre mos ba konstrusaun, mobiliariu, no instalasaun uma laran nian neebe esensial.
Husi inísiu mandatu iha tinan 2022, Prezidente Ramos-Horta superviza ona konstrusaun uma hamutuk 35 liuhusi unidade nee, nuudar parte husi misaun umanitaria neebe luan liu hodi serbi sira neebe presiza tebes.
(eme)
