DILI, STLTIMORLESTE.com – Prezidente Republika (PR), Jose Ramos Horta hatoo benvindu ba Delegasaun husi Sothern Adventist University neebe mai Timor Leste, hodi halo tratamentu nehan ba komunidade sira iha Timor Leste.
Prezidente Republika hatoo benvindu ba Delegasaun husi Sothern Adventist University, bainhira delegasaun nee halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Kinta (15/05/2025).
Bainhira remata hasoru malu, espesialista nehan Paulo Dias Grilo ba jornalista hatete, sente kontente mai hasoru malu ho Prezidente Republika iha palasiu hodi fahe hanoin ba malu.
Nia hatete, durante iha Timor Leste sira sei fo tratamentu ba komunidade nehan ba komunidade sira iha Timor Leste, liu-liu iha Fatubesi, Alas, Betano no seluk tan.
Nia hatete, husi Sothern Adventist University husi Amerika Serikat ho sira nia ekipa sei halo tratamentu ba nehan iha komunidade sira Same besik loron 13 nia laran hanesan nee, aban komesa laos deit ba Same maibe sei ba iha Fatubesi, Fatuberlihu, Alas, Betano no sira nee hotu mai husi estudante hotu.
“Ohin hasoru malu ho Prezidente Prezidente hatoo benvindu no Prezidente mos hatoo rezumu kona-ba saude, no Prezidente hatoo agradese sira bele mai hodi atende ba populasaun kona-ba nehan nia nomos programa balun ba labarik nia durante iha Timor Leste,” katak nia.
Nunee mos Reprezentante Estudante Sothern Adventist University, Heaven Robles hatete, sente kontente bainhira sama ain mai Timor Leste.
“Hau sente kontente tebes bainhira sama ain mai iha Timor Leste no hasoru malu ho Prezidente Republika no Prezidente mos hatoo benvindu ba ami hodi hatoo mos esperiensia Prezidente nia ba ami,” katak nia.
Iha hasoru malu nee Prezidente Republika Jose Ramos Horta hatoo benvindu ba Delegasaun husi Sothern Adventist University neebe mai Timor Leste, hodi halo tratamentu nehan ba komunidade sira iha Timor Leste.
(eme)
