DILI, STLTIMORLESTE.com – Prezidente Republika (PR), Jose Ramos Horta halo enkontru ho delegasun ICRC hodi koalia konaba situasaun atual dezenvolvimentu iha Timor Leste.
Prezidente Republika Jose Ramos-Horta simu Martin de Boer, Xefe Delegasaun Rejion husi Komite Internasionál Krús Vermella (ICRC) ba Indonezia no Timor-Leste, hamutuk ho reprezentante sira husi Cruz Vermelha de Timor-Leste (CVTL).
Delegasaun ICRC espresa sira-nia onra boot tebes atu hasoru malu ho Xefe Estadu, hodi uza oportunidade nee atu rona husi nia esperiensia luan iha diplomasia global no atu koalia konaba dezenvolvimentu rai-laran atual iha Timor-Leste.
Enkontru nee halo iha Palasiu Prezidensial Nicolao Lobato Bairru Pite kinta lokraik 19/03/2026, Dialogu nivel altu nee foka liu ba aplikasaun Lei Humanitariu Internasional nian no reforsu kontínuu ba inisiativa humanitaria CVTL nian iha nasaun laran tomak.
Iha Enkontru nee fornese plataforma vital ida atu alina esforsu humanitariu internasional sira ho vizaun jeral husi Prezidensia, hodi asegura apoiu no kooperasaun neebe makaas ba misaun humanitaria sira neebe lao hela.
Dirije ba delegasaun nee, Prezidente Ramos-Horta hatoo avaliasaun klean ida kona-ba klima global atual, hodi nota katak mundu dadaun nee hasoru hela dezorden barak liu fali orden.
Hodi haree ba dezafiu jeopolítiku global sira-nee, Prezidente destaka makaas katak kumprimentu estritu ba lei internasional jeral no Lei Humanitariu Internasional mak importante liu fali duke tempu uluk, hodi husu promosaun global neebe kontínuu ba enkuadramentu esensial sira-nee atu salvaguarda dignidade umana.
(eme)
