DILI, STLTIMORLESTE.com – Prezidente Republika (PR), Jose Ramos husu Governu liu husi Ministeriu Obras Publiku (MOP) atu aselera estrada rural, nunee povu bele lori sira nia produtu ba merkadu.
Kestaun nee hatoo husi Ministru Obras Publiku, Samuel Marcal ba jornalista sira bainhira remata halo enkontru ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Sesta loraik (09/05/2025).
Ministru hatete, Prezidente mak konvida no iha enkontru nee Prezidente Republika husu Governu liu husi Ministeriu Obras Publiku atu bele aselera lalais Estrada rural nunee bele fasilitas povu Kiik sira bele asesu.
Ministru dehan, Prezidente Republika kontente tanba Governu hahu daudaun ona halo kontrusaun ba estrada sira neebe grave.
“Prezidente Republika husu mos atu aselera no halo lalais liu tan, hodi responde ba ita nia povu nia nesesidade iha baze nia,” dehan Ministru.
Aleinde nee Ministru dehan, halo enkontru Prezidente la husu buat barak, maibe husu deit oinsa bele apoiu teknika husi MOP no Finansas.
“Ohin Prezidente Republika bolu ami mai, reprezenta husi Ministeriu Obras Publiku ho Ministeriu Finansas, Prezidente laiha kestaun seluk ida so deit atu husu para atu hetan apoiu teknika husi Ministeriu Obras Publika ho ministeriu Finansas,” dehan Ministru.
Nia hatutan, iha enkontru nee asuntu prinsipal neebe Prezidente Republika husu ba MOP no Ministru Finansas mak oinsa apoiu asistensia Kiik husi Obras Publika.
Iha hasoru malu nee Prezidente Republika Jose Ramos Horta apresia servisu Governu nia foka ba estrada, liu-liu estrada rural iha munisipal sira.
Prezidente Republika kontente tanba Governu hahu daudaun ona halo kontrusaun ba estrada sira neebe grave.
(eme)
