DILI, STLTIMORLESTE.com – Prezidente Republika (PR), José Ramos Horta husu joven sira nafatin hatudu komportamentu diak hanesan foin lalais Vizita Sua Santidade Papa Francisco mai Timor Leste.
Mensajen Prezidente Republika José Ramos Horta transmite husi Primeiru Ministru Kay Rala Xanana Gusmão ba jornalista sira iha Palasiu Prezidensial Bairo Pite Kinta (21/11/2024).
Primeiru Ministru hatete, foin lalais Prezidente Republika Vizita ba Nusa Tenggara Timur (NTT) laos Vizita ofisial, laos Ferias, maibe sai tiha fali assuntu boot ida iha publiku tanba nee Prezidente Republika husu Joven Timoroan sira nafatin hatudu komportamentu diak hanesan foin lalais Vizita Sua Santidade Papa Francisco mai Timor Leste nee.
“Prezidente Republika foin daudaun ba NTT laos vizita ofisial, primeira vez mak Prezidente Republika hasai ferias, mais sai tiha assuntu boot ida neebe liu tiha ona. Nee duni Prezidente Republika husu deit mak joven hotu-hotu komportamentu diak nafatin hanesan ita hatudu tiha ona bainhira Papa mai ita bele hatudu nafatin,” katak PM Xanana.
Primeiru Ministru hatete, foin lalais Prezidente mos konvida ona Prezidente Indonezia hodi bele partisipa iha eventu 28 Novembru neebe Governu desidi realiza iha Rejiaun Administrativa Espesial Oekusi Ambeno, maibe PR resposta katak agora seidauk mai tempu seluk sei vizita Timor Leste.
Prezidente Republika Indonezia Prabowo Subianto mos Prezidente Republika Jose Ramos Horta konvida tiha, loron ida hau hasoru nia, hau entrega karta, nia dehan 28 Novembru nia la konsege mai, so bele mai tinan oin mai, neebe nia dala ruma haruka ema ruma mai ho ida nee mak sei kombina MKNEK, seguransa, migrasaun, sei kombina oin nusa mak ita fo kondisaun akolhamentu nee diak ba maluk sira,” katak nia.
Foin lalais Prezidente Republika mos husu Joven Timor oan sira atu nafatin hatudu komportamentu diak hanesan atitude neebe hatudu ona iha Vizita Sua Santidade Papa Francisco iha Timor Leste.
(eme)
