DILI, STLTIMORLESTE.com – Prezidente Republika (PR), Jose Ramos Horta hatete, iha tinan 1975 nia hamutuk ho jornalista sira iha Balibo.
Prezidente Republika Jose Ramos Horta hatoo lia hirak nee ba jornalista sira, hafoin vizita Autoridade Munisípiu Dili iha Kaikoli, Kuarta (15/10/2025).
PR Horta hatete, iha tinan 1975 Prezidente rasik hamutuk ho jornalista sira iha Balibo, iha tempu neeba lasai ema kaer ho jornalista sira. “Se hau la sai Balibo sei kaer ho jornalista sira”.
“Se momentu neeba mak hau la sai husi Balibo karik, sira kaer hau ho jornalista sira,” dehan PR Horta.
Iha biban nee Prezidente Republika hatete, aban Kinta halo enkontru semanal ho Primeiru Ministru Kay Rala Xanana Gusmão, bainhira remata enkontru sei aranka ba Balibo.
“Aban enkontru ho Primeiru Ministru, liu tiha aranka ba Balibo. Kuitadu, uluk iha Balibo fulan Outubru 1975 hau iha Balibo ho jornalista sira. Hau uniku Timorense moris hamutuk ho jornalista sira nee,” dehan PR Horta.
Xefe Estadu hatete, klaru Indonezia nia sorin, Timoroan balun karik uluk 1975 asaltu ba Balibo nee sira iha neeba karik, maibe husi parte rezistensia sira nian, parte FRETILIN nian.
“Hau uniku mak sobrevivente. Hau iha Balibo ho jornalista sira, hau mak tula jornalista nain rua ho kareta jeep antigu ida, simu sira iha Aeroportu uluk iha Palasiu Prezidensial tama kareta liu kedas ba Balibo,” nia haktuir.
Tanba nee Xefe Estadu iha Balibo loron tolu ho sira, depois hatete ba jornalista sira diak liu imi fila ona ho PR Horta, nee Indonezia sira sei atake, sira lakohi tanba sira hakarak halo filme asaun sira.
“Entaun hau fila deit, tanba hau simu mensajen mai husi Prezidente Nicolau Lobato atu fila ba Dili reuniaun ida, entaun hau aranka loron rua liu tiha Balibo ho Maliana monu hamutuk, entantu hau sempre hanoin ida nee, dala ruma hau tur iha neeba iha loron 16 Outubru hanoin fila fali loron 16 Outubru 1975, se hau la sai karik momentu neeba sira kaer hau ho jornalista sira,” nia hatutan.
Tanba momentu neeba PR sempre tula jornalista sira ba fronteira, ba Balibo, ba Batugade antes Batugade monu, hau ho jornalista nain rua ba too Bobonaro.
“Depois sai husi Bobonaro estrada Bobonaro nian too Batugade hau mak sempre iha neeba, laiha ema seluk iha neeba, hau mak uniku sempre iha Balibo. Entaun hau sente besik loos ema sira nee kuitadu. Ita halo deit omenajen ba sira, la halo sira, tinan sira nia laran nee atividade oi-oin barak”.
Xefe Estadu hatutan tan katak, sei halo mos kondekorasaun ba jornalista ba títulu postu, balun simu tiha ona balun seidauk.
Jornalista: Emerenciana Pinto
Editor: Xisto Mendonça
