DILI, STLTIMORLESTE.com – Prezidente Republika (PR), Jose Ramos Horta inaugura eskola foun Eskola Ensinu Baziku Filial (EBF) Kamlai, iha Postu Administrativu Maubesi, Munisipiu Ainaro.
Iha biban nee, Prezidente Republika José Ramos Horta hatoo agradese ba doador sira husi Austrália, agradese mos ba Cristy Gusmão nia mak harii Alola Fundation, servisu diak makaas iha Dili, bolu feto sira neebe vitima violensia domestika, laos deit fo fatin deit ba sira halo protesaun, maibe halo formasaun ba sira, faan sasan, halo sasan ho kualidade, sai ONG ida neebe forte ho real, no jestaun neebe diak.
“Cristy Gusmão mak hatete ba hau kona-ba eskola ida nee, hau agradese ba sira tanba sira halo eskola barak iha Timor Leste. Balun halo eskola, balun halo klínika, balun ajuda hanesan rotariu sira ajuda buat seluk, balun fo bolsa estudu, purtantu sosiadade Australiana, ema individual mos ajuda makaas,” haktuir PR Horta husi diskursu iha eskola EBF Kamlai Maubesi, Kuarta (13/11/2024).
Nia hatutan, klaru sira nia parseiru ofisial boot mak Governu Australia. Australia parseiru numeru dahuluk, no boot liu iha mundu, depois segundu Uniaun Europeia.
Nunee mos Diretor EBC Maubessi Vila, Jorge Mendonca informa, ohin loron 13 Novembru 2024 iha Munisipiu Ainaro, Postu Administrativu Maubisi, Eskola EBF 1,2,3 Maubisse Villa iha eskola 1,2 Paralelu Kamlai ho fuan felisidade, hatoo benvindu no agradese wain dala ida tan ba ema hotu nia prezensa iha fatin inagurasaun ba konstrusaun eskola foun ida nee ho objetivu husi konstrusaun eskola ida nee tanba kuantidades estudante sira.
(eme)
