DILI, STLTIMORLESTE.com – Prezidente Republika (PR) no Laureadu Nobel ba Pas, Jose Ramos Horta, iha loron Segunda (19/05/2025) atribui kondekorasaun ba onra nasional prestijiozu, Orden Timor Leste ba resipiente nasional no internasional sira nuudar rekonhesimentu ba sira nia servisu, dedikadu no kontribuisaun esepsional ba nasaun.
Serimonia kondekorasaun nee ofisialmente halao iha Palasiu Prezidensial Nicolau Lobato, Bairo Pite, Dili, iha serie dekretu prezidensial, Prezidente Ramos Horta atribui Orden Timor Leste atribui ba resipiente distintu nain 21 ba sira nia kontribuisaun esepsional ba setor justisa nasaun nian ho resipiente nain 17 simu Grau Kolar Orden Timor Leste no nain 4 simu Grau Medalha Orden Timor Leste.
Aleinde nee PR mos atribui kondekorasaun ba kondekoradu ho Orden Timor Leste ba resipiente distintu nain 78 iha setor oi-oin dezenvolvimentu nasional nian, ho nain 20 simu Grau Kolar Orden Timor Leste, nain 41 simu Grau Medalha Orden Timor Leste, nain 16 simu Grau Insignia Orden Timor Leste, no nain ida simu Grau Medalha Meritu
.
Grau Kolar Orden Timor Leste atribui ba Eis Embaixador Estadus Unidus Amerika nian mai Timor Leste, Grover Joseph Rees, nuudar rekonhesimentu ba ninia kontribuisaun esepsional hodi hametin relasaun diplomatika entre nasaun rua nee.
Postumu ho Orden Nicolau Lobato atribui ba Reverendu Padre Domingos da Silva Soares “Maubere,” nuudar rekonhesimentu ba ninia kontribuisaun signifikativu ba Timor Leste nia luta ba Independensia nasional.
“Bainhira ita selebra ita-nia nasaun nia independensia, ita fo onra ba ema sira neebe sira nia dedikasaun sai instrumental iha ita nia jornada. Husi setor justisa too servisu diplomatiku, husi kombatente sivil iha ita-nia luta ba libertasaun too esforsu inkansavel husi ema sira seluk neebe serbisu ba ita nia dezenvolvimentu, individuu esepsional sira nee reprezenta diak liu Timor Leste nian. Sira nia kompromisu neebe metin iha setor oi-oin hametin ita-nia demokrasia joven, promove pas entre povu sira no kontribui signifikativamente ba ita-nia estabilidade nasional. Sira nia susesu koletivu hatudu laos deit esepsional pesoal, maibe mos reziliensia no determinasaun espiritu Timor oan nian, bainhira ita kontinua harii ita nia nasaun,” dehan Prezidente Ramos-Horta liu husi ninia dekursu iha Palasiu Presidensial Bairru Pite Dili.
Nia hatutan, kondekorasaun hirak nee, rekonhese esforsu inkansavel husi premiadu sira iha area oi-oin inklui akademia, kuidadu saude, servisu governu, esforsu rezistensia, relasaun diplomatika no setor justisa. Sira nia kontribuisaun, fo benefisiu diretamente ba sidadaun Timoroan sira enkuantu hametin fundasaun instituisaun demokratiku nasaun nian.
Resipiente sira ba Orden Timor Leste nian, Kondekorasaun Postumu ho Orden Nicolau Lobato atribui ba Reverendu Padre Domingos da Silva Soares “Maubere”, Kondekorasaun ba Sua Eselensia Eis-Embaixador Estadus Unidus Amerika (EUA), Grover Joseph Rees, ho Grau Kolar Orden Timor Leste, Kondekorasaun Orden Timor Leste ho Grau Kolar, Medalha no sertifikadu rekonhesimentu ba Autor Justisa sira neebe halao knaar ba benefisiu povu Timor oan, durante prosesu dezenvolvimentu nasional.
Grau Kolar Orden Timor Leste, atribui ba Duarte Tilman Soares, Maria Natercia Gusmão Pereira, Jacinta Correia da Costa, Antonio Helder Viana do Carmo, Edite Palmira dos Reis, Jose Maria de Araujo, Afonso Carmona, Nelson de Carvalho, Angelina Joanina Saldanha, Zelia Trindade, Aderito Antonio Pinto, Remizia de Fatima da Silva, Ivonia Maria Guterres, Reinato Bere Nahak, Antonio da Silva Tavarez, Domingos Barreto no Dr. Vicente Brites.
Grau Medalha Orden Timor Leste, atribui ba João Ribeiro, Jacinto Babo Soares, Mateus Nessi, Pascasio de Rosa Alves.
Kondekorasaun Orden Timor Leste ho Grau Kolar, Medalha no Insignia, hamutuk ho sertifikadu rekonhesimentu ba resipiente nasional no internasional oi-oin neebe halao knaar ba benefisiu povu Timoroan durante prosesu dezenvolvimentu nasional.
Grau Kolar Orden Timor-Leste, oferese ba Leonel Maria Sales de Andrede, Margherita Tracanelli, Endeavour United, Deolindo dos Santos, Alfonso Lopes, Tomas do Rosario Cabral, Olimpio M.A.G. Miranda Branco, João Freitas Câmara, Isilio Antonio de Fatima Coelho da Silva, Juvêncio de Jesus Martins, Francisco Tilman Cepeda, Abel Guterres, Fun Ha Tchong (Vicky), Jorge Trindade Neves de Camões, Marciano Octâvio Garcia da Silva, Antonito de Araujo, Caetano de Sousa Guterres Maulori, Maria Renata Caldas de Jesus, Natercia Coelho da Silva no Lisualdo Menezes Coimbra Gaspar.
Grau Medalha Orden Timor Leste, oferese ba Dr. João Soares Martins, Ph.D, Dr. Marcal Gusmão, Prof. Ass.Adj.Dr.Ir.Yuliaty, M.Agri.M.Phil.,IPM, Dr. Eduardo Aniceto Serrão, Dr. Antonio João da Costa, Dr. Mateus de Jesus Gomes, Dr. Jose Nelson Salsinha, Dr. Carlos da Conceicão de Deus, Dr. Guilhermino da Cruz, Dr. Ir.Luis Tavares, L.Agp.,M.Sc.,IPM, Dra.Ir.Brigida Antonia Correia, MP.,IPM, Dr. Matias da Silva Tavares, Dr. Marcolino Estevão Fernandes. E. Brito, Dra. Ligia Tomas Correia.,S.Pt.,M.Sc, Dr. Natalino de Araujo,S.Hut.,M.P.,Ph.D, Dra. Therese Nguyen Thi Phuong Tam, Dr. Jose Antonio Lourenço da Costa, Dr. Rui da Cruz, Dr. Zacarias Florêncio da Costa, Dr. Alarico da Costa Ximenes, Dr. Martinho Pereira, MA, Dr. Amandio de Araujo Sarmento, S.Sos.,M.A, Dr. Aniceto Guro-Berteni Neves, L.CG.,MAPS, Dr. João da Silva Belo, S.Sos,MPA,Ph.D, Dr. Fernando Hanjam, Dr. Cristovão dos Reis, Dr. Fernando Baptista Anuno, Dr. Lino Verdial do Rosario, Dr. Luis da Costa, Dr. Gaspar Varela, Dr. Hermenegildo Ribeiro da Costa, Dra. Teresinha Albertina Soares, Dr. Manuel Belo de Carvalho, Dra. Cipriana Santa Brites Dias, Dr. Vicente de Paulo Correia, Dr. Duarte da Costa Sarmento, Dra. Lidia Gomes, Dr. Alexandre Gentil Corte-Real Araujo, MD.,PhD, Prof. Dr. Martinho Borromeu Pos Doc, Dr. Samuel Venancio de Sousa Freitas no Dr. Feliciano Quintas do Ceu, Ph.D.
Grau Insignia Orden Timor-Leste, oferese ba Elisa Maria da Silva, Madalena Viegas Soares Filipe, Atanasia Guerra Soares dos Reis Pires, Jose Luis Guterres Lopes da Cruz, Julio da Costa Freitas, Gilson de Carvalho Ramos da Silva, Francisco Dionisio Fernandes “Mau-Kura”, Aleixo da Silva, Marcos dos Reis da Costa, Dirce Carolina de Fatima Soares. Cipriano Manca Teme, Cesaltina da Costa da Silva, Laurentina “Mica” Barreto Soares, Hendriketa da Silva, L.Ap.MPH, Marito Ferreira, Julio Mak no ikus Grau Medalha Meritu Orden Timor-Leste, Yakobus Jati Herin.
Hafoin atribui medalha, Julio Mak nuudar Diretor Ro Succes Irmao Timor, agradese ba Prezidente da Republika Jose Ramos Horta neebe atribui kondekorasaun ida nee, nuudar rekonhesimentu sira nia kontribuisaun hodi dezenvolve rai doben Timor Leste.
“Hau sente kontente tanba Xefe Estadu oferese medalha kondekorasaun ba ami nuudar Timor oan neebe kontribui ba dezenvolvimentu iha nasaun Timor Leste, tanba nee hau hatoo agradesimentu ba rekonhesimentu ida nee ho Grau Insígnia Orden Timor Leste.
Iha biban nee, Yakobus Jati Herin, sente kontente tanba governu Timor Leste liu husi Prezidente da Republika, Jose Ramos Horta, oferese Grau Medalla Meritu Orden Timor Leste ba nia kontribuisaun hanesan Jornalista iha tempu pasadu, kontribui defende direitus umanus husi produtu jornalistiku iha tempu neeba no dadaun transmite liu liu husi eskritor ba istoria Timor husi inisiu too ukun rasik aan liu husi restaurasaun Independensia bad ala 23 iha tinan 2025.
(jos/mik)
