DILI, STLTIMORLESTE.com – Prezidente Republika (PR), Jose Ramos Horta apresia ho atleta Timoroan husi modalidade Taekwondo marka istoria ba povu iha rai doben Timor Leste (TL), tanba iha eventu internasional jogus Despotivu Comunidade dos Países de Língua Portuguesa (CPLP) ba dala XII, konsege oferese medalha osan mean 2 no medalha osan Ouru 2.
Sentimentu apresiasauan nee hatoo husi Prezidente Republika Jose Ramos hafoin oferese medalha osan mean ba Atleta Siera Nisa Xavier Pinto nuudar vensedor iha kompetisaun atleta husi modalidade Taekwondo hafoin halakon ninia adversariu ho naran Ana Clara Ribeiro Goncalves neebe mos simu osan Ouru iha GMT Dili, Tersa (22/07/2025).
“Hau apresia no kontente ba ita nia atleta modalidade Taekwondo, tanba sira konsege marka istoria ba TL, sira esforsu makaas durante nee hodi treina sira nia aan no ohin konsege manan. Hau fo parabens ba sira nia esforsu hamutuk ho sira nia treinador nomos ofisial sira, parabens tanba hatudu sira nia talentu iha area desportu, maske sira hasoru dezafiu maibe konsege hetan rezultadu diak,” dehan PR Horta.
Tuir Atleta Siera Nisa Xavier Pinto nuudar vensedor iha kompetisaun atleta husi modalidade Taekwondo ho todan 49 kg, sente kontente tanba konsege halakon ninia adversariu ho naran Ana Clara Ribeiro Goncalves husi nasaun Portugal.
“Hau sente kontente tebes-tebes tanba ohin liu husi kompetisaun atleta modalidade Taekwondo, hau konsege manan hau nia adversariu husi Portugal,” dehan nia.
Nia haktuir tan katak, ba oin sei kontinua nafatin treinu, atu nunee iha eventu ruma tuir mai bele partisipa.
Kompetisaun medalidade Taekwondo iha ambitu Jogus Desportu CPLP neebe halao iha Jinaziu, Dili, Siera Nisa Xavier Pinto halakon ninia adversariu ho naran Ana Clara Ribeiro Goncalves iha jogu dahuluk no tuir mai iha jogu segundu konsege mos lidera jogu nee too remata.
Iha biban nee, Treinador Taekwondo TL, Kim Ki Sae sente haksolok tebes tanba ninia esforsu durante nee fo treinamentu ba atleta husi modalidade Taekwondo konsege hetan rezultadu diak, feto nain rua hetan medalha osan mean rua no husi Atleta Moedalidade Taekwondo konsege hetan medalha osan ouru 2,” dehan Treinador Kim Ki Sae.
Iha biban nee nia dehan, ida nee inisiu ba Timoroan nain 4 neebe hetan vitoria, ba futuru nafatin apoiu sira atu iha eventu internasioal iha tempu oin mai sira bele partisipa tan.
Kompetisaun nee lidera husi Juis Martins Soares, Arbitu Sentral, Sonia Martins ho Arbitu liman loos Ricardo Martins Amaral no Arbitu liman loos, Claudio Mauzaco.
(jos)
