DILI, STLTIMORLESTE.com – Prezidente Republika (PR), Jose Ramos Horta lansa livru ofisial ho topiku “The is Ours” husi Primeiru Ministru Kay Rala Xanana Gusmão.
Bainhira remata halao lansamentu livru ofisial husi Primeiru Ministru, Kay Rala Xanana Gusmão, Prezidente Republika, Jose Ramos Horta ba jornalista sira iha salaun MNEK, Dili, Sesta (06/12/2024) hatete, ohin halo lansamentu ba livru The Sky Is Ours, kona-ba halibur unidade prosperidade no dezenvolvimentu iha Timor Leste.
“Livru the ksy is ours nee versaun lingua inglesh iha mos versaun lingua português, nee hanesan diskursu entrevista testu oin-oin neebe maun Xanana halo tinan lubuk ida nia laran. Ema neebe halo livru preparadu diak tebes-tebes ho total profisionalizmu kualidade. Klaru maun boot Xanana hakerek diak tebes-tebes 100% entermus nia ideia konseitu no elegansia hakerek. Nee hau hatene iha Timor Leste nee laiha ema ida neebe hakerek diak tebes-tebes, furak hanesan nia, no nia kompara ho hakerek nain bobot sira lingua português nian,” dehan PR, Horta.
Prezidente Republika hatete, livru neebe mak ohin halo lansamentu iha livru laran iha liafuan neebe mak elegansia no importabte tebes. “Hau ladun domina lingua, lingua português hau konhese 100%, maibe hau laiha maun boot Xanana nia abilidade, kualidade hanoin lingua português, hakerek ho elegansia, literariu polítiku. Maibe ohin hau nia liafuan liu-liu koalia kona-ba buat neebe hau observa, hau haree laos haree observa deit ho estudu nee nia kualidade lideransa nee mak importante tebe-tebes Xanana nian. Hanesan ohin hau hatete buat balun, barak nia halo diak hotu nee so ema ida ho vizaun, aten barani tebes-tebes,” hatete Xefe Estadu.
Xefe Estadu hatete, bainhira Xanana re-organiza FRETILIN, baze de apoiu distriuidu Komite Central FRETILIN, FALINTIL mohu, ema rihun atus resin mak mate no nia hakarak re-organiza FRETILIN, tanba povu ezije nee mak nia halo, nee laiha ema seluk mak halo, nee nia (Xanana) mak halo.
Depois Xanana fo orden ba FALINTIL akantonamentu, FALINTIL deit mak akantonamentu, milisia sira la halo, TNI kontrola seguransa, PR Ramos hakfodak, nia ladun konkorda akordu 5 Maiu tanba la tuir kriteriu standar, mas liu-liu PR kumpri deit diretiva neebe mai husi nia, defende iha nasaun unidas kongressu Amerikanu buat sira nee.
Nunee liu tiha nia defende rekonsiliasaun entre Timoroan sira hotu-hotu, laiha inimigu, laiha milisia, laiha pro-otonomia iha deit Timor, ukun aan nee mos Indonezia respeita haree Indonezia kontente hatudu lideransa Timor nia maturidade boot, tanba nee mak relasaun diak loos ho Indonezia.
(eme)
