DILI, STLTIMORLESTE.com – Prezidente Republika (PR), Jose Ramos Horta hatete, tuir nia observasaun Timor Leste (TL) laiha problema ho Liberdade Imprensa no laiha sensura intervensaun husi Estadu no Governu.
Prezidente Republika Jose Ramos Horta hatoo kestaun nee ba jornalista sira iha Timor Plaza Sabadu nee (03/05/2025) hatete, TL nasaun ida ho Liberdade Imprensa laiha problema kona-ba sesnsura husi Estadu no Govenu ba Liberdade Imprensa iha rai laran.
“Ba hau nia observasaun TL kontinua pais ida ho Liberdade Impresa laiha problema so ita Liberdade Imprensa iha Timor Leste laiha sensura laiha intervensaun Governu no Estadu, tinan rua nulu resin ona ita nunka rona jornalista ruma, jornal ruma taka husi orgaun Governu ou jornalista ruma iha kadeia tanba nia hakerek buat ruma,” dehan PR Horta.
Prezidente dehan, iha mundu iha Mianmar besik TL no Israel no Gaza iha rai barak iha mundu jornalista atus ba atus tinan sira nee nia laran mate agora daudaun iha guera gaza neebe Israel lansa kontra Gaza jornalista atus ida resin funsionariu Umanitariu ONU atus ida resin mate.
Violensia kontra jornalista iha rai barak los laos iha Gaza deit, maibe Gaza mak agora daudaun pior liu iha mundu intermus de Liberdade Imprensa no violensia asasinatu kontra jornalista sira.
Nunee mos indise Liberdade Imprensa TL publika husi Reporters sem Fronteira RSF hatudu TL nia pozisaun monu husi klasifikasaun 20 tun ba 39, oinsa Prezidente nia haree ba ida nee, hatan ba kestaun nee Prezidente hatete, ida nee nia la hatene tanba sa tun no jornalista mak tenke hatene.
“Nee hau la hatene tanba sa mak tun, ita boot sira iha rai laran mak hatene haree, se imi nia liberdade servisu tun, hau observa husi hau nia fatin hau la haree iha problema ruma ho Liberdade Imprensa podiser ema balun mak fo informasaun parsial ba organizasaun nee iha Bruselas, maibe hau la observa la hatene ida nee,” katak PR Horta.
Prezidente dehan, Governu no Estadu la interven Timor nia atitude nuudar Estadu hanesan iha mundu demokrastiku laiha enkontru ho laiha seminariu Governu mak organiza ho jornalista sira.
Kona-ba indise Liberdade Imprensa TL husi 20 tun ba 39 halo media internasional balun mos hakfodak bainhira haree rengkin Timor monu maibe sira nuudar jornalista la sente situasaun Liberdade Imprensa la diak.
“Podeser ke ema balun iha Timor neebe kaer NGO balun mak politiza buat sira nee, tanba sira partense ba partidu ida ka partidu seluk sira halo ida nee,” katak Horta.
Tuir observasaun neebe mak SRL hetan, Indise Liberdade Imprensa mundial neebe publika husi Reporters sem Fronteira RSF hatudu Timor Leste nia pozisaun monu husi klasifikasaun 20 tun ba 39.
(eme)
