DILI, STLTIMORLESTE.com – Prezidente Republika (PR), Jose Ramos Horta partisipa konferensia Transfronteira Internasional Science Without Borders neebe halao iha Auditorium FECT, Universidade Nasional Timor Lorosae (UNTL) Hera.
Eventu nee halibur komunidade sientífiku sira husi ilha Timor laran tomak hodi promove kolaborasaun no inovasaun ba dezenvolvimentu sustentavel.
Liu husi diskursu iha Hera Kuarta (07/05/2025) Prezidente Republika Jose Ramos Horta husu Unidade no inovasaun komferensia Transfronteira Internasional Science Without Borders
Iha eventu nee Prezidente Republika, Jose Ramos Horta hatoo diskursu iha1ª Konferensia Transfronteira Internasionál Science Without Borders neebe halao iha Auditorium FECT, UNTL Hera, Dili. Eventu nee halibur komunidade sientífiku sira husi ilha Timor laran tomak hodi promove kolaborasaun no inovasaun ba dezenvolvimentu sustentavel.
Eventu nee destaka importansia siensia no teknolojia nian, Ramos Horta husu ba parseria internasionáa no rejional sira neebe makaas liu tan hodi avansa peskiza no rezolve dezafiu sira neebe enfrenta hamutuk hanesan protesaun ambiental, edukasaun, no kreximentu ekonomiku.
“Science Without Border” nuudar dalan ida ba unidade no progresu ba povu Illa Timor,” dehan Prezidente Republika Jose Ramos Horta.
Prezidente sublina nesesidade atu halo balansu entre modernizasaun ho prezervasaun ambiental, hodi husu atu rekursu natural sira ilha nian hetan protesaun hamutuk ho kreximentu ekonomiku.
Prezidente sublina papel krítiku edukasaun no kapasitasaun nian, hodi haktuir katak investe iha jerasaun foun hanesan investe iha futuru Ilha Timor nian.
Prezidente Ramos Horta reafirma nia kompromisu hodi apoia inisiativa sira neebe kria ponte ba divizaun sira liu husi siensia no edukasaun. Prezidente husu ba parte interesada sira hotu atu serbisu hamutuk hodi harii futuru ida neebe sustentavel no inkluzivu, destaka katak konferensia serve hanesan plataforma ida ba dialogu neebe lao hela no asaun konjunta ba Timoroan hotu nia diak.
(eme)
