DILI, STLTIMORLESTE.com – Prezidente Republika (PR), Jose Ramos Horta presta omenajen no partisipa mos misa Funebre Padre Domingos Maubere neebe nain bolu hikas iha Nai nia kadunan Santu.
Iha loron Segunda (19/05/2025) Prezidente Republika, Jose Ramos Horta partisipa iha misa funebre korpu prezente Saudozu Padre Domingos Maubere no atribui medalha ordem Nicolau Lobato ho títulu Postum, iha Katedral Dili.
Liu husi karta Prezidente Repúblika hatoo nia lamentasaun klean ba mate, iha loron 16 fulan Maiu tinan 2025, husi saudozu Reverendu Padre Domingos da Silva Soares “Maubere”, sobrevivente husi luta ba independensia Timor Leste durante dekada barak nia laran.
Iha tempu moras no lutu ida nee, Prezidente Republika hatoo sentidu kondolensia boot liu ba família no belun sira no ba Kombatentes Libertasaun Nasional sira hotu iha Timor Leste, hodi destaka lakon boot neebe matebian Reverendu Padre Domingos da Silva Soares “Maubere” reprezenta.
“Ami mos hatoo ami nia agradesimentu ba saudozu Reverendu Padre Domingos da Silva Soares “Maubere”, neebe dedika parte boot ida husi nia moris ba servisu nasaun nian,” katak PR Horta.
(eme)
