DILI, STLTIMORLESTE.com – Prezidente Republika (PR), José Ramos Horta hasoru malu ho reprezentante empreza espanhola Acciona, Scott Perrin, hodi diskute kona-ba instalasaun potensial armazenamentu karbonu nian iha tasi Timor.
Iha hasoru malu nee Prezidente Republika José Ramos Horta fo benvindu ba Investimentu Espanhola ba armazenamentu karbonu iha Timor Leste.
Bainhira remata hasoru malu, reprezenta empreza Espanhola Acciona, Scott Perrin ba jornalista sira iha Palasiu Prezidensial Nicolao Lobato, Bairo Pite Kuarta (12/03/2025) hatete, hasoru malu ho Prezidente Republika hodi koalia kona-ba instalasaun potensial armazenamentu karbonu nian iha tasi Timor.
Acciona, empreza ida ho sede iha Madrid neebe estabelese ona iha Europa no iha Hemisferiu Norte, aprezenta nia proposta neebe ho objetivu atu kria empregu no hamosu reseita ba nasaun sudeste aziatiku.
Durante enkontru, Perrin deskreve Acciona nia interese hodi dezenvolve projetu armazenamentu karbonu nian, maske detalhe espesífiku sira sei finaliza. Diskusaun sira seluk entre Acciona ho Governu Timoroan hein atu akontese iha semana oin mai, ho Perrin hatudu konfiansa kona-ba perspetiva sira kolaborasaun nian.
Iha biban nee, Prezidente Ramos Horta fo benvindu ba inisiativa nee, hodi espresa apoiu makaas ba investimentu sira neebe bele avansa makaas Timor Leste nia dezenvolvimentu.
“Enkontru ho Prezidente desizaun neebe ami foti hakarak atu kria fasilidade armazenamentu karbonu ida iha tasi Timor Leste,” katak nia.
Nia hatutan, fasilidade armazenamentu karbonu iha ekipa iha tasi laran. No kampu trabalhu no reseita potensial neebe mak sei lori ba Timor Leste.
Prezidente sublina katak, projetu sira hanesan nee reprezenta lo-loos tipu parseria neebe presiza atu harii kresimentu ekonomiku sustentavel, enkuantu partisipa iha solusaun klimatika global sira.
(eme)
