DILI, STLTIMORLESTE.com – Prezidente Republika (PR), Jose Ramos Horta hatete, Timor Leste sei hamutuk ho ASEAN ho firme promove pas ba povu iha rejiaun tomak.
Prezidente Republika Jose Ramos Horta hatoo kestaun nee liu husi diskursu bainhira partisipa selebrasaun tinan 50 aniversariu Fundasaun ASEAN iha salaun MNEK Sesta (08/08/2025) hatete ho umildade, Prezidente rekonhese katak, enkuantu Timor Leste kontinua servisu iha progresu iha planu ekonomiku, maske nunee reafirma katak nasaun sei hamutuk iha ASEAN ho firme kompromisu atu promove pas, prosperidade no hakmatek ba ninia povu no ba rejiaun tomak
Iha biban nee Prezidente Republika, hatoo agradesimentu boot ba líder no estadu membru sira ASEAN nian neebe simu ona Timor Leste iha família rejional. Koalia iha audiensia distintu ida husi dignitariu nasional no internasional sira.
Xefe Estadu louva filozofia sentradu iha ema neebe orienta husi bloku rejional no sublina sentidu responsabilidade klean neebe maka Timor Leste prepara hodi hola nia fatin hanesan membru plenu direitu, prontu hodi kontribui ba pas no estabilidade iha rejiaun.
Prezidente hanoin fila-fali viajen dezenvolvimentu nasaun nian dezde nia restaurasaun independensia iha tinan 2002, hodi aprezenta kontraste defikuldade sira iha pasadu no realizasaun sira agora nian.
Entre progresu sira neebe makaas, refere aumentu iha mediku sira husi deit 21 ba liu 1,400, no espansaun kobertura eletrisidade nian, neebe kobre pratikamente teritoriu laran tomak.
Xefe Estadu sublina mos kreximentu iha ensinu superior, ho ema timoroan rihun ba rihun neebe oras nee formadu iha universidade sira iha rai-laran no iha rai liur. Fo kreditu ba transformasaun ida-nee ba polítika rekonsiliasaun nasional, neebe kura ona kanek sira pasadu nian no harii ona fundasaun dame no estabilidade nian neebe esensial ba dezenvolvimentu.
“Ho umildade, Prezidente rekonhese katak, enkuantu Timor Leste kontinua “servisu iha progresu” iha planu ekonomiku. Maske nunee, reafirma katak nasaun sei hamutuk iha ASEAN ho firme kompromisu atu promove pas, prosperidade no hakmatek ba ninia povu no ba rejiaun tomak,” dehan PR Horta.
Prezidente afirma katak Timor Leste nia adezaun nuudar testamentu ba vizaun no apoiu koletivu husi komunidade rejional, iha prosesu ida neebe hahu ho aplikasaun formal nasaun nian iha tinan 2011.
Konklui diskursu sira ho ligasaun manas no pesoal, Xefe Estadu dezeja ba bloku, “Feliz Aniversariu, ASEAN”, simboliza kapítulu foun no esperansa nian iha envolvimentu rejional nasaun nian.
(eme)
