DILI, STLTIMORLESTE.com – Prezidente Republika (PR), Jose Ramos Horta hasoru malu ho CEO husi kompanhia rekrutamentu boot liu iha Australia, PeopleIn, Tom Reardon diskute foka ba ligasaun laboral entre Timor Leste (TL) ho Australia.
Prezidente Republika, Jose Ramos Horta simu Tom Reardon, CEO husi kompanhia rekrutamentu boot liu iha Australia, PeopleIn, ba entrevista podcast ida durante minutu 30 iha ninia rezidensia iha Metiaut, Sabadu (31/01/2026) foka ba haforsa ligasaun laboral entre Timor Leste no Australia liuhosi eskena Mobilidade Laboral Pasífiku Australia (PALM).
Diskusaun nee akonpana hosi Embaixadora Inês Almeida, diskusaun nee foka liu ba haforsa ligasaun laboral entre Timor Leste no Australia liuhosi eskena Mobilidade Laboral Pasífiku Australia (PALM). Prezidente ho Reardon esplora oinsa kompania neebe rejista iha ASX nee, ho rotatividade anual liu billaun AUD 1, bele kontinua fornese dalan empregu estratejiku ba sidadaun timoroan sira iha merkadu Australia no Zelandia Foun.
Parseria nee hatudu ona rezultadu signifikativu, ho PeopleIn fasilita ona servisu ba traballador timoroan nain-157 too agora, no hein tan nain-59 sei too iha Australia antes tinan fiskal nee remata. Aleinde kolokasaun servisu, entrevista nee mos foka ba susesu hosi traballador timoroan nain-25 neebe foin remata treinamentu espesializadu iha Australia.
Hodi aprezenta kazu susesu sira no siklu rekrutamentu oin-mai, enkontru nee reafirma fali kompromisu mutuu atu hasae kbiit no perspektiva ekonomika ba forsa traballu timoroan liuhosi eskena empregu internasional ho kualidade aas.
(eme)
