DILI, STLTIMORLESTE.com – Prezidente Republika (PR), José Ramos Horta too ona iha Jogja, Indonezia, hodi hatoo diskursu Diplomasia Akademika Harii Pas.
Bainhira Prezidente Republika too iha Aeroportu Internasional Yogjakarta, iha tuku 12:45 oras Indonezia nian.
Prezidente Republika viajen ba Yogjakarta, Indonezia, nee vizita trabalhu atu hametin lasu bilateral no Prezidente hatoo diskursu ho títulu “Servisu Komunitariu Nuudar Fundasaun ba Lideransa Global”, hodi inspira estudante no akademiku sira hodi tradus inisiativa sira iha baze ba solusaun eskalavel sira ba pas no dezenvolvimentu sustentavel.
Prezidente Republika viajen ba Indonezia hahu iha loron 30 too 31 fulan Julhu tinan 2025, ho fokus ba diplomasia akademika, harii dame no reforsa parseria neebe dura entre Timor Leste no Indonezia.
Xefe Estadu iha Indonezia durante loron 2 sei hatoo diskursu xave iha Universidade Gadjah Mada (UGM) iha Yogyakarta, iha neebe nia sei hatoo diskursu ho títulu “Servisu Komunitariu Nuudar Fundasaun ba Lideransa Global”, hodi inspira estudante no akademiku sira hodi tradus inisiativa sira iha baze ba solusaun eskalavel sira ba pas no dezenvolvimentu sustentavel.
Prezidente mos sei envolve ho komunidade akademika no kultural sira Indonezia nian, inklui vizita ida ba Festival Arte UGM nian, hodi sublina kbiit arte nian iha promosaun komprensaun interkultural.
Aleinde nee Prezidente Republika sei halao dialogu estratejiku ho lideransa Indonezia no sei halao diskursu publiku iha Sentru Estudu Estratejiku no Internasional (CSIS), hodi reforsa kompromisu Timor Leste nian ba estabilidade rejional no unidade ASEAN nian.
(eme)
