DILI, STLTIMORLESTE.com – Prezidente Republika (PR), Jose Ramos Horta hamutuk ho Visi Primeiru Ministru Francisco Kalbuady Lay vizita Roo Doulus husi Alemanha, neebe oras nee daudaun atraka iha Portu Dili.
Bainhira remata vizita Roo refere, Prezidente Republika Jose Ramos Horta ba jornalista sira iha Portu Dili, Sesta (16/01/2026) hatete, Roo Doulus nee diak tebes, tanba iha bibleoteka neebe nakonu ho livru, tanba nee husu inan aman sira bele lori estudante sira ba vizita hodi lee livru iha Roo laran.
“Diak tebes, hau espera sira mai dala hira tan, diak tebes tanba hanesan biblioteka ida hau espera ke labarik oan sira husi eskola sira nee ba vizita, iha mos livru ba ema adultu, livru oin-oin maibe liu-liu iha ingles, hau espera inan sira lori labarik eskola sira mai pasiar iha Roo Ahi laran nee, hau konvida sira fila mai iha Agostu, kuandu Prezidensia hamutuk ho Governu simu nobel gloria iha siensia teknolojia lubuk ida besik 30 kedas, konfirma ona atu mai,” dehan Prezidente Republika.
Misaun husi Roo ahi nee iha impaktu diak ka lae, tuir Prezidente nia haree? Hatan ba kestaun nee Prezidente Republika hatete, impaktu imediata hanesan ema kontente bele haree direita no bele lee mos livru oin oin.
“Impaktu imeadiatu hanesan ema kontente haree maibe impkatu ba oin difisil liu, tanba nee o tenke halo bebeik para povu manan kultura leitura nee, maibe se ema hakarak lee mos, maibe difisil atu lee tanba laiha publikasaun barak,“ katak PR Horta.
Labarik sira laiha livru klaru, eskola fahe livru balun maibe la sufisiente, estudante universitariu sira araska atu estuda tanba livru akademiku mos laiha.
(eme)
