DILI, STLTIMORLESTE.com – Prezidente Republika (PR), Jose Ramos Horta husu ba ema hotu hahu husi suku too nasional presiza kuda ai hodi konserva bee, tanba bee importante ba ema nia moris.
“Iha mundu nee buat ida importante liu ba ita idak-idak nuudar ema mak bee, bee laiha ita hotu-hotu mate, laiha bee animal mate, no laiha bee ai sira mate, komforme sientista sira hatete ema sira moris iha rai sira seluk planeta seluk tanba kalan ita haree fulan maibe fulan nee rihun atus ba atus, fulan iha la moris mesak universu nee maibe too agora uniku ke iha vida buat oin-oin moris iha rai planeta ida nee ita moris daudaun, tanba iha bee, bee laiha vida iha rai nee,” dehan PR, Horta.
Tanba tuir Prezidente Republika katak, uluk sei asumi kargu nuudar Ministru Negosiu Estranjeiru nia lori labarik tinan 5 balu, tinan 6 too 13 ba Area Banka hodi hili lixu, nomos halo kampanha makaas oinsa mak hamoos lixu iha sidade laran, laos agora mak preokupa kona-ba bee nee.
“Uluk liu ba hau la rona membru Governu ruma preokupa ho planeta, no la rona membru Governu ruma preokupa kona-ba bee, agora iha kampanha oin-oin iha Timor nomos iha mundu maibe hau hanoin tarde demais ona, tanba hau haree iha konferensia internasional hau baruk ona ba tanba koalia depois desizaun halo deklarasaun, maibe rai riku boot sira mak sobu mundu ho industria sira tau Veneno ba bee tanba ho industria oin-oin, entaun husi Veneno iha mota iha tasi, maibe sira atu apoiu susar los seidauk haree duit metan apoiu husi rai riku sira,” katak nia.
Mai uluk nia mandatu primeiru nuudar Prezidente Republika, Sekreteraiu Jeral Kofi Annan konvida Horta ba koalia iha Jenebra no 2011 PR hatete ba delegadu hotu katak, labele ba tuir komferensia tanba sei iha falhansu boot.
“Diak liu iha ita nia rai idak-idak ita buka halo buat neebe ita bele kuda ai rihun ba rihun, tinan 10 liu ba hau apoiu programa ida naran ho musan ida iha Baguai laos hau mak lidera, maibe sira neebe mak lidera husu hau nuudar patrono husu hau nia apoiu no hau apoiu programa nee susesu boot kuda tinan ai rihun atus tolu resin ba atus haat ona, laos kuda arbiru maibe kuda tuir regra,” katak PR, Horta.
Programa kuda ai tuir Xefe Estadu katak, diak tanba hetan apoiu husi Uniaun Europeia no uluk PR rasik mos loby makaas oinsa mak Uniaun Europeia tau osan pograma ho naran musan ida para kuda ai tuir buat neebe ema hatene.
“Ita tenke kuda ai nakonu iha Timor Lesta floresta ai laran ai laran udan lamai nee akontese iha rai barak,” hatete Horta.
(eme)
