DILI, STLTIMORLESTE.com – Prezidente Republika (PR), José Ramos Horta husu joven nafatin garante pas no estabilidade iha loron finadu, atu nunee povu bele halao nia servisu ho diak.
Prezidente Republika, Jose Ramos Horta hatoo kestaun nee ba jornalista sira, bainhira remata vizita ba Portugal no fila hikas mai iha Timor Leste, iha Aeroportu Internasional Nicolau Lobato, Tersa (29/10/2024).
Horta hatete, baibain haree amu Papa Francisco nia vizita joven sira, populasaun tomak kolabora diak tebes ho governu, estadu laiha insidente ruma, laiha problema seguransa, komportamentu 100% joven sira povu tomak.
Durante vizita iha Timor Leste amu Papa Francisco kontente loos Xefe Estadu simu informasaun husi Roma, nia sempre koalia nafatin ba nia esperiensia mai iha Timor Leste nee.
PR Horta hatutan, antes nia simu karta husi amu Papa Francisco mai, nia hatete fila fali nia kontente loos, agradese tebe-tebes resepsaun neebe povu Timor simu nia.
“Hau apelu ba joven sira, laos deit agora loron finadu, maibe kontinua mantein klima dame iha rai laran, so nunee mak Timor bele lao ba oin,” dehan PR, Horta.
Iha biban nee Prezidente Republika hatete, karik iha
problema buka rezolve ho ulun malirin, labele rezolve fali ho violensia.
Bele iha frustrasaun maibe la rezolve frustrasaun ho violensia, buat hotu-hotu buka rezolve ho dialagu ho meius Pasifiku nee inklui entidade governu. Bainhira iha situasaun ruma atu interven ho ibun, interven ho dialogu laos ho forsa.
Entretantu foin lalais Komando Polisia Nasional Timor Leste (PNTL), Munisípiu Dili, bandu no la tolera komunidade ka joven iha loron finadu, lori tua ba hemu iha Semiteriu publiku iha Munisípiu Dili.
Segundu Komandante PNTL Munisípiu Dili, superintendente, João Sancho Pires hatete, selebrasaun loron matebian husi loron 01 too 02, komunidade relijiaun Katolika sei lori ai-funan ba butuk iha semiteriu, tanba nee Komandu Polisia Nasionál Timor Leste Munisípiu Dili nian, alerta ba membru PNTL atu halo prevene ba situasaun balu karik akontese iha Dili laran.
(eme)
